پاکستان وفاقی دارالحکومت اورنگزیب کھچی ءَ مارچ ءِ گڈی ہفتگ ءَ کرغز کلچرل فیسٹیول ءِ وسیلگ ءَ میان اُستمانی دود ءُ ربیدگ ءِ وش آتک کنگ ءِ تیاری ءَ اِنت

اسلام آباد۔22فروری  (اے پی پی):پاکستان ءِ تہ ءَ مارچ 2026 ءِ گڈی ھپتگ ءَ وفاقی دارالحکومت اسلام آباد ءَ برجم دارگ بوھوکیں کرغزستان ءِ دود ءُ ربیدگ ءِ میلہ ءِ وسیلگ ءَ میان اُستمانی دود ءُ ربیدگ ءِ وش آتک کنگ ءِ تیاری کنگ بوھگ ءَ اِنت۔ دستکاری، روایتی ورگ، پوشاک، جوانیں آرٹ ءُ فوٹو گرافی، فلم ءِ پیشدارگ ءُ موسیقی ءُ ناچ ءِ پیشدارگ ءِ سرا نبشتہ کتگ۔ پاکستان کرغزستان ءِ ڈل ءِ مزنیں رنگ ءَ میزبانی کنت ۔ اے ھیال ءُ لیکہ راجی ورثہ ءُ دود ءُ ربیدگ ءِ وفاقی وزیر محمد اورنگزیب خان کھیچی ءَ وتی ھاسیں گپ ءُ تران ءِ ساھت ءَ درشان کتگ اَنت۔ وفاقی وزیر ءَ پاکستان ءِ نوکیں دود ءُ ربیدگی سفارتکاری ءِ سر ءَ تران کنان ءَ یک سرجمیں ایجنڈے ءِ سر ءَ گپ ءُ تران کت کہ ایشی ءِ تہ ءَ میاں اوستمانی شریکداری، ورثہ ءِ رکھینگ ءُ ادارگی اصلاحات ھوار اَنت کہ ایشی ءَ چہ یک انچیں پاکستان ءِ درشانی کنگ بیت کہ آ وتی کوھنیں دود ءُ ربیدگ ءِ ورثہ ءَ را جھان ءِ پڑ ءَ پیش دارگ ءِ واستہ تیار اِنت۔ کرغزستان ءِ مراگش ءَ ابید پاکستان نوروز ءِ مراگشانی میزبانی ءِ ھم تیاری ءَ اِنت ءُ ھما ملکاں دعوت نامہ دیم دیگ بوھگ ءَ اِنت کہ آھانی گوں پاکستان ءَ سفارتی سیادی ھست ایشانی تہ ءَ کرغزستان ھم ھوار اِنت۔ اے مراگش دود ءُ ربیدگ ءِ ھوار بوھگ ءِ یک پراھ ءُ شاھگانیں رھبند ءِ درشان اَنت کہ پاکستان ءِ پرامنیں پجار ءِ پدر کنگ ءُ مردم آنی نیام ءَ رابطہ آنی دیمروئی ءِ واستہ ناگزیر اِنت۔ یک ھاسیں سنگ میل ءِ سر ءَ دلگوش کنان ءَ وفاقی وزیر ءَ گوشت کہ مزن وزیر ءِ ہدایت ءِ رد ءَ ملک ءَ زوت راجی دود ءُربیدگی پالیشی ءِ بندات کنگ بیت۔ اے پالیسی کہ گوں درستیں صوبہاں شور ءُ سلاہ ءَ تیار کنگ بوتگ، ایشی ءِ مول ءُ مراد پاکستان ءِ دود ءُ ربیدگی پجار ءِ رکھینگ ءُ ازمکار ءُ نبشتہ کاراں توانمند کنگ اِنت۔ آئی ءَ گوشت کہ اے یک راجی مشن ءِ مول ءُ مراد پاکستان ءِ پرامن ءُ کوھنیں دود ءُ ربیدگی پجار ءِ درشان کنگ اِنت۔ راجی دود ءُ ربیدگی پالیشی ءِ بندات ءَ گوں پاکستان دود ءُ ربیدگ ءِ سفارتکاری، میراث ءِ رکھینگ ءُ یک جوانیں امیج ءِ دیمروئی ءِ نوکیں دور ءِ بندات ءَ کنت۔ پاکستان ءِ دود ءُ ربیدگی عزائم ءِ دائرہ کار آئی ءِ دیمروئی کنوکیں میاں اوستمانی شریکداری نیٹ ورک ءَ چہ پدر اِنت۔ وزارت ءِ منصوبہ انت کہ دود ءُ ربیدگ ءِ معاہدہ ءِ کساس ءَ چہ انوگیں تقریباً 86 ملکاں چہ زوت 125 ءَ گیش کنگ بہ بیت ءُ اے وڑ ءَ فنکارانہ ءُ تعلیمی تبادلہ ءِ یک مزنیں نیٹ ورک ءِ جوڑ کنگ بہ بیت۔ سال ءِ گڈسر ءَ پاکستان ءِ اولی ڈگری گرانٹنگ انسٹی ٹیوٹ برائے فائن آرٹس جوڑ کنگ بیت وھدے کہ لوک ورسا ءَ آرٹ کلاس پیسر ءَ چہ بندات کنگ بوتگ انت۔ ایشی ءِ ہمراہی ءَ نیشنل لائبریری، پاکستان اکیڈمی آف لیٹر ءُ نیشنل انسٹی ٹیوٹ فار پروموشن آف نیشنل لینگویج ءَ ڈیجیٹلائزیشن ءِ گامگیج برجاہ انت تانکہ پاکستان ءِ لبزانکی ءُ زبانی سرمایہ ءِ رکھینگ ءُ آیوکیں نسلانی دست ءَ بہ بیت۔ آئی ءَ گوشت کہ پاکستان ءِ آثار قدیمہ ءِ ورثہ ءَ را دگنیا ءَ را آشنا کنگ ءِ واستہ دستاویزی فلم ھم جوڑ کنگ بوھگ ءَ انت ایشی ءَ چہ پاکستان ءِ دود ءُ ربیدگ ءِ اثاثہ آنی وسعت ءَ را پدر کنگ بیت، کوھنیں جاھاں چہ ملک ءِ جتا جتائیں دود ءُ ربیدگی دود ءُ ربیدگ آناں دیم ءَ آرگ بیت۔ وفاقی وزیر ءَ گوشت کہ پاکستان وتی میاں اوستمانی حکمت عملی ءِ تہ ءَ دود ءُ ربیدگ ءَ را مرکزیت دیگ ءَ انت۔ آئی ءَ گوشت کہ انوگیں دود ءُ ربیدگی سوبمندی یکجائی ورثہ ءِ وسیلگ ءَ چہ میاں اوستمانی سیادی ءَ را گیش مھکم کنگ ءِ پاکستان ءِ جزم ءِ درشان انت۔ آئی ءَ مزن وزیر ءِ ورنا پروگرام ءِ چیر دستی ءَ اسلام آباد ءَ برجم داشتگیں پاک ترک دوستی ءِ ہفتگ ءِ ھم ذکر کت کہ ایشی ءِ تہ ءَ یونس ایمری انسٹی ٹیوٹ ءُ پاکستان نیشنل کونسل آف آرٹس ءِ کمک ءَ پاکستان ءُ ترکی ءِ نیام ءَ دود ءُ ربیدگی موسیقی ءُ دود ءُ ربیدگی کارکردگی ءِ وسیلگ ءَ گہتریں دوستی، یکجائی ورثہ ءُ مھکمیں دو نیمگی سیادی ءِ سر ءَ چمشانک دیگ بوتگ۔ ہفتہ ءِ دراجیں مراگش اے گپ ءِ گواہی ات کہ دود ءُ ربیدگی تبادلہ ءَ چہ سفارتی سیادی ءُ مردم ءِ نیام ءَ سیادی ءَ را مھکم کنگ بوت کنت۔ پاکستان ءِ نوکیں دود ءُ ربیدگ ءِ کوشست آنی تہ ءَ مستریں سوبمندی دسمبر 2025 ءَ بوتگ کہ یونیسکو ءَ سرکاری رنگ ءَ ”بورینڈو“ وتی لسٹ ءِ تہ ءَ ھوار کتگ کہ ایشی ءِ تہ ءَ زوتیں رکھینگ ءِ ضلورت اِنت۔ اے سوبمندی کہ راجی میراث ءُ دود ءُ ربیدگ ءِ بہر ءِ کوشست آنی آسر اِنت، پاکستان ءِ کوھنیں موسیقی ءِ دود ءُ ربیدگ آنی واستہ فخر ءِ وسیلہ ءُ سنگ میل اِنت۔ سندھ سرکار ءِ نیمگ ءَ نامینتگ ءُ لوک ورسا ءِ کمک ءَ پیش کنگ بوتگیں بورینڈو یک کسانیں ءُ گولیں مٹی ءِ سازے کہ ایشی ءِ عمر نزیک ءَ پنچ ہزار سال اِنت ءُ سندھ وادی تہذیب ءَ گوں ہمگرنچ اِنت۔ آئی ءِ وش ءُ وشیں توار ءَ چہ سداں سالاں میتگ ءِ دود ءُ ربیدگ ءُ زمستانی مچیانی تہا گونج کتگ۔