شیخوپورہ۔ 22 فروری (اے پی پی):راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ گوشت کہ پی ٹی آئی ءَ اولی چار سال آنی تہ ءَ پاکستان ءِ معیشت ءَ را ناقابل تلافی تاوان داتگ ءُ دگنیا ءِ تہ ءَ پاکستان ءَ را ہر رنگ ءَ نزور کنگ ءِ کوشست کتگ۔ مروچی ھم اے وتی کوھنیں رھبند ءِ رندگیری ءَ کنگ …
انوگیں حکومت ءِ محنت ءَ چہ تباہ بوتگیں معیشت ءَ را مھکمیں پاد ءِ سر ءَ سر کتگ، رانا تنویر حسین
گیشتریں ھال
شیخوپورہ۔ 22 فروری (اے پی پی):راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ گوشت کہ پی ٹی آئی ءَ اولی چار سال آنی تہ ءَ پاکستان ءِ معیشت ءَ را ناقابل تلافی تاوان داتگ ءُ دگنیا ءِ تہ ءَ پاکستان ءَ را ہر رنگ ءَ نزور کنگ ءِ کوشست کتگ۔ مروچی ھم اے وتی کوھنیں رھبند ءِ رندگیری ءَ کنگ ءَ اِنت کہ چوں پاکستان ءَ یہودی ءُ ھندو لابی ءِ ایجنڈا بیاریت ءُ ناشرکاری ءَ دیم ءَ برگ بہ بیت۔ شیخوپورہ ءِ میونسپل کمیٹی کوٹ عبدالمالک ءَ 6ارب کلدار ءِ سیوریج سسٹم ءُ ایندگر میگا پروجیکٹ آنی بنگیج ءِ ساھت ءَ لس مچی ءَ گوں تران کنان ءَ وفاقی وزیر ءَ گوشت کہ الس ءِ ھزمت مسلم لیگ ن ءِ مشن اِنت۔ اے مشن ءِ سرجم کنگ ءِ واستا محمد نواز شریف ءُ محمد شہباز شریف مریم نواز ءِ رہشونی ءَ شپ ءُ روچ محنت کنگ ءَ انت۔ نوں پاکستان ءِ تہا ہمے محنت ءِ نتیجہ گندگ بوہگ ءَ انت۔ رانا تنویر حسین ءَ گوشت کہ تاوان بوتگیں معیشت ءَ را استیں حکومت ءِ محنت ءُ مزن وزیر میان محمد شہباز شریف ءِ سروکی ءَ چہ مھکمیں پڑ ءَ آرگ بوتگ۔ مرچی دگنیا اے گپ ءَ ھم من ایت کہ پاکستان دگنیا ءِ ھما ملکانی لڑ ءَ ھوار اِنت کہ گوں تیزی ءَ دیمروئی کنگ ءَ اَنت۔ بنجاھی الس ءِ لوٹ ءِ سر ءَ رانا تنویر حسین ءَ لاہور ءَ چہ کوٹ عبدالمالک ءَ میٹرو بس آنی چلائینگ ءُ کوٹ عبدالمالک ءَ سرجمیں بنیاتی آسراتی آنی گوما سرکاری اسپتال ءِ پجارینگ ءِ ھم جار جتگ۔
