پاکستان ءَ اسکاؤٹنگ ءِ دیمروئی ءُ ورنا آنی گہبود ءِ واستہ درستیں ممکنیں گامگیج چست کنگ بنت، چیئرمین سینیٹ سید یوسف رضا گیلانی ءِ جہانی اسکاؤٹ روچ ءِ موہ ءَ کلوہ

اسلام آباد۔22فروری  (اے پی پی):سینیٹ ءِ چیئرمین سید یوسف رضا گیلانی ءَ گوشت کہ ورنائیں نسل آنی تہ ءَ کردار سازی، نظم ءُ ضبط، راج دوستی ءُ انسانیت ءِ ھزمت ءِ جذبہ ءِ دیمروئی ءَ سکاؤٹس ھاسیں کرد پیلو کنگ ءَ انت۔ اسکاؤٹ ءِ جھان ءِ روچ ءِ موہ ءَ وتی پیغام ءِ تہ ءَ آئی ءَ گوشت کہ اسکاؤٹ تحریک ءِ ورنا آناں جوانیں چست ءُ ایر آنی نیمگ ءَ راجیگ کنگ ءُ چاگرد ءِ ذمہ واریں شہری جوڑ کنگ ءِ تہ ءَ مزنیں کردے ھست۔ سینیٹ سیکرٹریٹ ءِ نیمگ ءَ چہ جاڑی بوتگیں بیان ءِ تہ ءَ چیئرمین سینیٹ ءَ گوشت کہ پاکستان ءِ اسکاؤٹس ءَ مدام قدرتی آفت، ایمرجنسی ءُ چاگردی ازمت آنی جتا جتائیں پڑ آنی تہ ءَ سرگرمیں رنگ ءَ بھر زوری کتگ، اے ستا کرزیں گپ اِنت۔ آئی ءَ وتی جزم ءِ درشان کت کہ اے وھد ءِ لوٹ اِنت کہ سکاؤٹنگ ءِ وڑیں ادارگ آناں گیش مھکم ءُ سرگرم جوڑ کنگ بہ بیت تانکہ ورنا آنی ٹیلنٹ آناں کارمرد کنگ بہ بیت ءُ آھاں جوانیں رنگ ءَ تربیت دیگ بہ بیت تانکہ چاگرد ءِ تہ ءَ کمک، براتی ءُ الس ءِ ھزمت ءِ جذبہ دیم ءَ برگ بہ بیت۔ سید یوسف رضا گیلانی ءَ وتی کلوہ ءِ تہ ءَ اے گپ ءِ سر ءَ زور پر دات کہ ورنائیں نسل ملک ءِ ارزشتی ایں مڈّی اَنت ءُ اسکاؤٹ موومنٹ آھاں سروکی، وت مہ وتی ءُ راجی دیمروئی ءِ تہ ءَ موثریں کرد پیلو کنگ ءِ موہ پجارین ایت۔ ورلڈ اسکاؤٹ ڈے ءِ موہ ءَ آئی ءَ اے جزم ءِ پدا زور دات کہ پاکستان ءَ اسکاؤٹنگ ءِ دیمروئی ءُ ورنا آنی گہبود ءِ واستہ ھمک رنگ ءِ گامگیج چست کنگ بیت۔