جام کمال خان ءَ دستی گوپتگیں  قالین ءَ ھوار ارزشت ءِ گیشیں برآمدات ءِ دیمروئی اولی ترجی اِنت

اسلام آباد۔22فروری  (اے پی پی):پاکستان کارپٹ مینوفیکچررز اینڈ ایکسپورٹرز ایسوسی ایشن ءِ ڈل ءَ وفاقی وزیر تجارت جام کمال خان ءَ گوں گند ءُ نند کت ءُدست ءَ جوڑ بوتگیں قالین ءِ برآمد کنگ ءِ جیڈھ ءُ رکاوٹ آنی گیواری ءِ واستہ چست کنگ بوھگ ءَ انت ایشانی بابت ءَ سرپد کت۔ ایسوسی ایشن ءِ سرپرست عبداللطیف ملک ءُ پیسریگیں سینئر وائس چیئرمین عثمان اشرف ءَ وفاقی وزیر تجارت جام کمال خان ءَ را نا سرجمیں قالین آنی سپلائی ءِ تہ ءَ رکاوٹ ءِ بابت ءَ سرپدی دات ءُ گوشت کہ ایشی ءِ سبب ءَ برآمد کنوک آناں کنٹریکٹ ءِ پیلو کنگ ءِ تہ ءَ سکیں جیڑھ ءُ جنجال آنی دیم ءَ کپگ ءَ انت کہ ایشی ءِ رد ءَ میاں اوستمانی پرمان آنی رد ءَ مسابقتی عالمی مارکیٹانی تہا ارزشت داریں مارکیٹ ءِ بہر ءُ زرّ ءِ بدل ءَ بے جاہیں خطرہ ءِ سبب ءَ بوت کنت۔ ڈل ءَ آپریشنل رکاوٹ آناں دور کنگ ءُ سپلائی چین ءَ را ہموار کنگ ءِ واستہ حکومت ءَ را ترندیں مداخلت ءِ ھم لوٹ کتگ۔ سرپرست چیف عبداللطیف ملک ءُ سینئر باسک عثمان اشرف ءَ گوشت کہ دستی بافتگیں قالین ءِ صنعت پاکستان ءِ کوھن تریں برآمداتی صنعت اِنت کہ پاکستان ءِ واستہ دہائی آنی واستہ ارزشتی ایں درملکی زرّ ءِ وسیلگ بوتگ، البت گوستگیں سال آنی تہ ءَ ایشی ءِ برآمدات ءَ را جتا جتائیں سبب آنی سبب ءَ کمی اتکگ، ایشی ءِ سبب ءَ مشکلیں کار ءَ گوں ھمگرنچ بوتگ۔ وزیر تجارت جام کمال خان ءَ ڈل ءَ گوں تران کنان ءَ گوشت کہ دستی بافتگیں قالین ءَ ھوار ویلیو ایڈڈ ایکسپورٹ ءِ دیمروئی وزارت تجارت ءِ اولی ترجی انت۔ دستی بافتگیں قالین ءِ صنعت نہ ایوک ءَ میتگ ءِ دمگاں ہزاراں ہنرمندیں کارکن ھاسیں رنگ ءَ زالبول آنی واستہ روزگار ءِ مزنیں وسیلگ اِنت بلکیں پاکستان ءِ روایتی دستکاری ءِ رکھینگ ءِ واستہ ھم مزنیں کردے پیلو کنت۔ آئی ءَ سپلائی ءِ جیڈھ آنی گیواری ءُ برآمد کنوک آناں آسراتی پجارینگ ءِ واستہ درستیں ممکنہ گامگیج آنی ڈل ءَ را دل یکیمی دات ءُ گوشت کہ ویلیو ایڈڈ مینوفیکچرنگ ءَ را مھکم کنگ بیت، یک متنوع، مقابلہ ءِ، کوالٹی ءُ پائیدار برآمداتی معیشت جوڑ کنگ بیت ءُ ایشی ءِ واستہ حکومت درستیں دستیابیں وسیلگ آناں کارمرد کنت۔