پارلیمانی کارانی وفاقی وزیر ڈاکٹر طارق فضل چوہدری ءَ ٹویٹر ءَ نبشتہ کتگ کہ پاکستان ءِ ھلاپ ءَ سازش بافتگ آناں یک رندے پدا ھاسیں پیغام رستگ، پاکستان ءِ سرزمین نزور نہ اِنت، شھید آنی ھوناں چہ مھکم بوتگ

اسلام آباد۔22فروری  (اے پی پی):پارلیمانی کارانی وفاقی وزیر ڈاکٹر طارق فضل چوہدری ءَ گشتگ کہ پاکستان ءِ ھلاپ ءَ پندل بافت کنوکاں یک رندے پدا ھاسیں کلوہ رستگ، اے سرڈگار نزور نہ انت، شہیدانی ھوناں چہ مہکم بوتگ۔ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ وفاقی وزیر ءَ گوشت کہ اوگانستان ءَ بھارتی سرپرستی ءَ دیمروئی کنوکیں فتنہ الخریجی آنی پناہ گاہ آنی سر ءَ پاک فضائیہ ءِ وھد ءُ پاس ءِ سر ءَ کارروائی درور ءَ ھما بے گناہیں جان آنی بدلہ اِنت کہ ناشرکاری ءِ آتش ءَ شنگ کنگ بوتگ اَنت۔ آئی ءَ گوشت کہ اے ایوک ءَ آپریشن نہ بوتگ، اے ھمک مات ءِ ارس آنی جواب بوتگ کہ آئی ءَ وتی زھگ پہ وطن ءَ قربان کتگ، اے ھمک زھگ ءِ واب آنی دفاع بوتگ کہ ایمنیں پاکستان ءِ لوٹوک انت۔ ڈاکٹر طارق فضل چوہدری ءَ گوشت کہ ھرکس پاکستان ءَ نزور لیکگ ءِ ردی ءَ کنت آ اے گپ ءَ یات بہ کنت کہ المی ءَ مارا امن لوٹ ایت، بلے ما وتی سرڈگار، وتی راج ءُ وتی عزت ءِ سر ءَ سازش نہ کن ایں۔ ہر کس کہ بد نیتی ءِ چمّے ءَ چاریت، ھلاس بیت۔ کسے ءَ را رحم نہ بیت۔ وفاقی وزیر ءَ گوشت کہ اے وطن مئے پجار اِنت، مئے عزت اِنت، مئے ایمان اِنت۔ آئی ءَ گوشت کہ پاکستان پیسر ءَ ھم است ات، مرچی پاکستان است انت ءُ پاکستان مدام است انت۔ ڈاکٹر طارق فضل چوہدری ءَ وتی پوسٹ ءِ گڈسرا راجی بیرک ءِ یک اکسے ھم شیئر کتگ کہ آئی ءِ سر ءَ پاکستان اول نبشتہ اِنت۔