اسکاؤٹ تحریک کردار سازی ءِ یک جوانیں  وسیلہ یے، سردار ایاز صادق

اسلام آباد۔22فروری  (اے پی پی):راجی اسمبلی ءِ اسپیکر سردار ایاز صادق ءَ اسکاؤٹ ءِ جھان ءِ روچ ءِ موہ ءَ وتی کلوہ ءِ تہ ءَ گوشت کہ من جھان ءِ اسکاؤٹ روچ ءِ سر ءَ ورنا آناں شگر ءُ منت پیش کن آں، اسکاؤٹ تحریک کردار سازی ءِ یک موثریں وسیلگ اِنت، اسکاؤٹنگ نظم ءُ ضبط ءِ جذبہ ءَ را دیمروئی دنت، ایمانداری ءُ راج ءِ ھزمت ءَ را دیمروئی دنت۔ قومی اسمبلی سیکرٹریٹ ءِ نیمگ ءَ جاڑی بوتگیں کلوہ ءِ تہ ءَ اسپیکر سردار ایاز صادق ءَ گوشت کہ پاکستانی اسکاؤٹس ءَ ھمک گرانیں وھد ءَ راج ءِ ازمت ءَ کنان ءَ مثالی کرد پیلو کتگ۔ آئی ءَ گیش گوشت کہ ورنا آناں جوانیں کار آنی نیمگ ءَ راجی دیمروئی ءِ ضمانت اِنت، اسکاؤٹ تحریک ورنا آنی تہ ءَ سروکی ءِ توان ءُ اجتماعی ذمہ واری ءِ شعور ءَ را بیدار کنت۔ اسپیکر راجی اسمبلی ءَ گوشت کہ ملک ءِ جوڑیشت ءُ دیمروئی ءَ ورنا آنی فعالیں کرد المی اِنت، اسکاؤٹنگ ورنا آنی تہ ءَ جوانیں چست ءُ ایر آناں دیم ءَ برگ ءِ واستہ یک ھاسیں پلیٹ فارم اِنت۔ سردار ایاز صادق ءَ گوشت کہ قدرتی آفت ءُ ایمرجنسی ءِ تہ ءَ سکاؤٹس مدام دیم ءَ گندگ بنت ءُ اسکاؤٹنگ ادارگ آناں نوکیں لوٹ آنی گوما یکجا کنگ وھد ءِ ضلورت اِنت۔ آئی ءَ گوشت کہ ورنا مئے رژنائیں باندات انت، ورنا آنی جوانیں تربیت ءُ رہشونی مئے راجی ذمہ واری انت۔ آئی ءَ گوشت کہ راجی اسمبلی ورنا آنی گہبودی ءُ اسکاؤٹ موومنٹ ءِ دیمروئی ءِ واستہ ھمک رنگ ءِ کمک ءَ را برجاہ دار ایت۔