اسکاؤٹس ءِ جھان ءِ روچ ءِ سر ءَ صدر آصف علی زرداری ءِ کلوہ ءِ رد ءَ سبز ءُ موسمیاتی پاکستان ءِ واستہ سرگرم بہ بنت

اسلام آباد۔22فروری  (اے پی پی):صدر ءِ مملکت آصف علی زرداری ءَ ورنا آنی کردار سازی ءِ سر ءَ زور پر داتگ ءُ گوشت کہ یک سبز ءُ موسم ءَ چہ ایمنیں پاکستان ءِ واستہ اسکاؤٹس سرگرم بہ بنت۔ صدر ءِ مملکت ءَ ورلڈ اسکاؤٹ ڈے ءِ موہ ءَ وتی کلوہ ءِ تہ ءَ پاکستان بوائے اسکاؤٹ ایسوسی ایشن ءِ پنچ سد ہزار ءَ چہ گیش اسکاؤٹ آناں مبارکی دات۔ صدر ءِ مملکت ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ اسکاؤٹنگ ورنا آنی جسمانی، ذھنی ءُ روحانی دیمروئی ءِ تہ ءَ مزنیں کرد ءِ پیلو کنت۔ صدر ءِ مملکت ءَ ورنا آنی کردار سازی ءِ سر ءَ دلگوشی دیگ ءِ ضلورت ءِ سر ءَ زور پر دیان ءَ گوشت کہ قائداعظم ءَ ورنا آنی کردار سازی ءِ واستہ اسکاؤٹنگ المی لیک اتگ۔ سبز ءُ موسم ءَ را ایمنیں پاکستان ءِ واستہ اسکاؤٹس سرگرم بہ بنت۔ آئی ءَ منشیات ءَ چہ پاک ءُ ڈیجیٹل ءِ وسیلگ ءَ بااختیاریں راج ءِ جوڑ کنگ ءَ را المی لیک اتگ ءُ گشتگ کہ ہنگامی جاور ءُ آفت ءِ گر ءُ دار ءِ تہا اسکاؤٹس ءِ کرد ناگزیر انت۔ آئی ءَ پاکستان ءَ چہ پولیو ءِ ھلاسی ءِ واستہ اسکاؤٹس آنی سرگرمیں بھر زوری ءِ ھم لوٹ کتگ۔ صدر ءِ مملکت ءَ گوشت کہ پاکستان بوائے اسکاؤٹس ایسوسی ایشن جھان ءِ تک ءَ گیش جوانیں کرد پیلو کنت ءُ اسکاؤٹس راجی جوڑیشت ءِ تہ ءَ جوانیں رنگ ءَ ثابت بیت۔