اوگانستان ءِ استیں جاور ھال آنی ھوالگ ءَ 8 فروری ءَ صدر ءِ مملکت ءِ نیمگ ءَ داتگیں ھال سک باز ارزشتی اِنت،  صدر ءِ جارکش مرتضی سولنگی

اسلام آباد۔22فروری  (اے پی پی):صدر ءِ جارکش مرتضی سولنگی ءَ گوشت کہ اوگانستان ءِ استیں جاور ھال آنی بابت ءَ 8 فروری ءَ صدر ءِ مملکت ءِ نیمگ ءَ داتگیں ھال سک باز ارزشتی اِنت۔ یک شمبے ءِ روچ ءَ سوشل نیٹ ورک ویب سائٹ ایکس ءِ سر ءَ وتی پوسٹ ءِ تہ ءَ جارکش ءَ گوشت کہ صدر ءَ وتی گشتانک ءِ تہ ءَ اے گپ پدر کتگ کہ پاکستان اوگانستان ءِ جاور ھال آنی سر ءَ سک دلپروش اِنت۔ آئی ءَ گْوشتگ اَت کہ طالبان ءِ رژیم ءِ چیر دستی ءَ جاور ھال 11 سپتامبر ءَ پیسر ءِ وڑ ءَ بوتگ اَنت یا چہ ایشی ءَ ھم گیشتر سنگین بوتگ اَنت کہ ناشرکاریں گلاں جھان ءِ امن ءِ ھاترا ھترہ جوڑ کتگ ءُ گُڈ سر ءَ 11 سپتامبر ءِ وڑیں غمناکیں واقعہ ءِ سوب جوڑ بوتگ۔ صدر ءِ مملکت ءَ گشتگ ات کہ پاکستان ءِ رودراتکی ہمساہگ طالبان ءِ سرکار ءِ کمک ءَ کنگ ءَ انت ایشی ءَ چہ نہ ایوک ءَ پاکستان ءِ سر ءَ بلکینگ ءَ سرجمیں دمگ ءُ جھان ءِ امن ءِ سر ءَ اثر کپگ ءَ انت۔