لس مردم ءِ گہبود اولی ترجی انت، حق ءِ جنگ ءَ پد پاکستان ءِ شرپ  برز بوتگ، اسپیکر راجی اسمبلی

لاہور۔22فروری  (اے پی پی):راجی اسمبلی ءِ اسپیکر سردار ایاز صادق ءَ گوشت کہ حق ءِ جنگ ءَ پد لس مردم ءِ وشھالی اولی ترجی اِنت، ملک ءَ را انزوا ءُ مشکل ءَ چہ در کنگ بوتگ ءُ دیمروئی ءِ راہ ءَ ایر کنگ بوتگ، پاکستان ءِ وقار ءَ را جہانی تک ءَ برز کنگ بوتگ معرکہ  ءِ  حق  ءَ پد  یکجاہ بوتگ ءُ خوارج ءِ ھلاپ ءَ جنگ ءَ ھم سوبمندی رس ایت، ھمساھگاں گوں شریں سیادی ءِ لوٹگ ءَ، امن ءِ واھشت ءَ را نزوری لیکگ مہ بیت، وفاقی حکومت ءِ تہ ءَ مزن وزیر محمد شہباز شریف ءُ صوبگ ءِ تہ ءَ سر وزیر مریم نواز شپ ءُ روچ کار کنگ ءَ اَنت کہ مئے راج ءِ زندمان ءِ رہبند ءَ را گہتر کنگ بہ بیت۔ اے ھیالانی درشانی آئی ءَ یک شمبے ءِ روچ ءَ لکھو ڈیر ءَ دیمروئی منصوبگ آنی بنگیج ءِ مراگش ءَ میڈیا ءَ گوں تران کنان ءَ کت۔ اے موہ ءِ سرءَ صوبائی وزیر سہیل شوکت بٹ، قیسر بٹ، عرفان، ساجد جتھول، بابر، میان رمضان، شفقت، چوہدری ارشد ءُ ملک اصغر ءَ ہوار پارٹی کارکن ءُ شہری ءِ مزنیں کساسے ساڑی ات۔ سردار ایاز صادق ءَ گوشت کہ مئے اولی ترجی لس مردم ءِ زندمان ءِ معیار ءَ را بُرز کنگ اِنت، ایشی ءِ واستہ وفاقی حکومت ءَ مزن وزیر محمد شہباز شریف ءِ سروکی ءَ حکومت صوبگ ءَ سر وزیر مریم نواز ءَ شپ ءُ روچ کار کنگ ءَ اِنت۔ شہری ءُ میتگ ءِ دمگاں یک وڑیں دیمروئی ءِ ھاتر ءَ ٹھوس گامگیج زورگ بوھگ ءَ انت۔ مہلوک ءِ گہبودی ءِ واستہ پنجاب حکومت ءِ نیمگ ءَ چست کتگیں گامگیج ستا کرز انت۔ بنجاھی وزیر مریم نواز ءَ گیشتریں فنڈز حلقہ 120 ءَ داتگ کہ آ سڑک ءُ سیوریج سسٹم ءَ را گہتر کنگ ءَ انت۔ سیوریج سسٹم ءِ تہ ءَ گہتری ءَ چہ نادراھیانی رکّینگ ھم ممکن بیت۔ راجی اسمبلی ءِ صدر ءَ گوشت کہ اللہ تعالیٰ ءِ فضل ءُ کرم ءَ اے دمگ ءِ ھما درستیں اسکیم کہ سر وزیر پنجاب ءَ منظوری ءِ واستہ روان دیگ بوتگ انت آ منظور کنگ بوتگ انت۔ حلقہ ءِ تہا دیمروئی کارانی واستہ 38ارب کلدار ءِ مزنیں زرّ ایر کنگ بوتگ۔ دیمروئی کار آنی تہ ءَ شفافیت ءِ دل یکیمی کنگ بوھگ ءَ اِنت۔ ٹینڈرنگ ءِ آسر ءَ 100کروڑ کلدار ءِ بچت ھم بوتگ۔ 200 ملین ءِ سرا بوتگ۔ جون 2026 ءَ تاں حلقہ ءِ 175 کوچگ ءَ 100کروڑ کلدار ءِ ھرچ ءَ دیمروئی ءِ کار سرجم کنگ بنت۔ 770 ملین ءِ سرا بوتگ۔ راجی اسمبلی ءِ صدر ءَ گوشت کہ مزن وزیر محمد شہباز شریف ءِ زانتکاریں سروکی ءُ سرجمیں حکومتی ٹیم ءِ محنت ءُ اللہ تعالیٰ ءِ فضل ءُ کرم ءَ چہ ملک نوں انزوا ءُ مشکلیں وھد ءَ چہ دراتکگ۔ ما سفارتی تک ءَ بے کساس سوبمندی زرتگ۔ مرچی گلوبل تک ءَ پاکستان ءِ سیادی سک شر انت ۔ پاکستان ءِ ھوالگ ءَ دگنیا ءِ مارشت ھم سرجم ءَ بدل بوتگ اَنت۔ آئی ئَ گوشت کہ راستی ئِ جنگ ئَ چہ پد جھانی تک ئَ پاکستان ئِ بستار گیش بوتگ۔ پاکستان ءَ چہ وت ءَ 10 رند ءَ مزنیں طاقتے ءَ را شکست داتگ۔ ما گوں وتی ھمساھگاں شرتریں سیادی لوٹیں ۔ پمشکا اولی اُرش ءَ وھدے کہ ھندوستان ءَ اُرش کت گُڑا پاکستان ءَ سبر ءُ برداشت پیش داشتگ بلے دومی اُرش ءَ آھاں وتی سیر ورگ لوٹ اِتگ۔ ما ھندوستان ءِ جواب ءَ داتگ سرجمیں راج ءِ سر شان ءَ گوں چست کتگ اَنت۔ مرچی پاکستان ءَ ھما احترام ھست کہ ھچبر انچو نہ بوتگ۔ پاکستان اے وھد ءَ سفارتی پڑ ءَ دگنیا ءِ نمبر یکیں ملک جوڑ بوتگ۔ مئے لوٹ اِنت کہ آ آسودگی ءَ بہ نند اَنت بلے اگاں کسے پاکستان ءَ گوں گندیں چمے ءَ بہ چاریت گڑا ایشی ءَ را ھچ وڑ ءَ موہ دیگ نہ بیت۔ سردار ایاز صادق ءَ گوشت کہ مرچی دگنیا ءَ مئے ٹیکنالوجی پجارگ بیت۔ اے وھد ءَ پاکستان ءَ چہ سلاہ ءِ بھا زورگ ءِ واستا لین بند انت ۔ سومالیہ، آذربائیجان، ترکی، نائیجیریا ءُ دگہ ملکانی فوجی سامانانی واستہ لین ءِ سرا صف بندی کنگ بوتگ۔ پاکستان ءَ 10 رند ءَ مزنیں طاقتے ءَ را شکست داتگ ءُ میڈ ان پاکستان ءِ نام ءَ وتی نام جوڑ کتگ۔ ہمساہگیں اوگانستان ءِ بابت ءَ جُست ءِ پسو ءَ راجی اسمبلی ءِ اسپیکر ایاز صادق ءَ گوشت کہ ما امن دوستیں راج ایں ۔ ما گوں کس ءَ جنگ نہ لوٹیں بلے دگہ ملکے ءِ سرزمین ءَ چہ بے گناہیں شہریانی سر ءَ اُرش کنوکیں مردماں ھچ وڑیں مراعات دیگ نہ بیت۔ وھدے کہ جنگ مسلط بیت گڑا پاکستان زانت کہ چوں پسو دیگ بہ بیت۔ آئی ءَ گوشت کہ ملک ءِ ایمنی ءِ واستہ کجام ھم ھترہ بوتگ گڈا ایشی ءِ سر ءَ جوانیں رنگ ءَ پسو دیگ بیت۔ اوگانستان ءَ باز رند ءَ گشگ بوتگ کہ آ وتی زمین ءَ پاکستان ءِ ھلاپ ءَ ناشرکاری ءِ واستا کارمرز مہ کنت بلے اوگانستان پاکستان ءِ جیڑہانی گیش ءُ گیوار کنگ ءَ چہ انکار کنت۔ آئی ءَ گوشت کہ پاکستان ھرچ ​​کارروائی ءَ کنت آ جوانیں ھیال ءُ لیکہ ءُ صبر ءَ پد کنگ بیت ءُ پدا وھدے کہ صبر ءِ پیمائش سرجم بیت گڈا اگاں نہ گامگیج ءِ ھچ ضلورت نیست۔ خوارج ھندی فنڈز ءَ چہ ملک ءَ ناتپاکی پیداک کنگ ءِ ناکامیں کوشست کنگ ءَ انت ۔ راج ایشانی ھلاپ ءَ یکمشت اِنت۔ خوارج ءِ ھلاپ ءَ جنگ ءَ ھم سوبمند بنت۔ پی ٹی آئی ءِ بانی ءِ طبی چکاس ءُ علاج ءِ ھوالگ ءَ دگہ جُست ءِ پسو ءَ راجی اسمبلی ءِ سروک ءَ گوشت کہ من وت وفاقی تہی کارانی وزیر محسن نقوی ءُ پی ٹی آئی ءِ سروک بیرسٹر گوہر پی ٹی آئی ءِ بانی ءِ طبی چکاس ءُ علاج ءِ ھوالگ ءَ رابطہ ءَ بوتگ آں ۔ علاج ءِ جیڈہ ءِ سرا بانی ءِ نام تحریک انصاف ءَ جست کنگ بوتگ ۔ بانی ءِ برازتک ءِ نام اِش دات بلے آئی ءَ ھم وھد ءِ سر ءَ انکار کُت۔ علاج ءِ تہا تاخیر ءِ بابت ءَ منفی پروپیگنڈا شنگ کنگ بوتگ۔ آئی ءِ برات ءِ چُک ءَ پرچا انکار کتگ ایشی ءَ ایوک ءَ تحریک انصاف ءِ سروکی زانت کنت۔ رمضان ءَ مہنگائی ءِ ھوالگ ءَ جست ءِ پسو ءَ راجی اسمبلی ءِ صدر ءَ گوشت کہ ما مہنگائی ءَ را یک ہندسہ ءَ سر کتگ، البت سپلائی ءُ ڈیمانڈ ءِ تہ ءَ عدم توازن ءِ سبب ءَ لھتیں مردم وت جوڑیشتی  مہنگائی پیداک کنگ ءِ کوشست ءَ کنگ ءَ اَنت۔ آ جہد کنگ ءَ اَنت ءُ ضلعی انتظامیہ ءِ ٹیم ھم آھانی ھلاپ ءَ آپریشن کنگ ءَ اَنت۔