این اے 120 ءَ ارباں کلدار ءِ دیمروئی منصوبگ تاں جون 2026 ءَ سرجم کنگ بنت، لکھو ڈیر ءَ جدید شہری آسراتی آناں گوں ھوار کنگ بیت، اسپیکر سردار ایاز صادق

اسلام آباد۔22فروری  (اے پی پی):راجی اسمبلی ءِ اسپیکر سردار ایاز صادق ءَ گوشت کہ پنجاب سرکار ءِ ہدایت ءِ رد ءَ حلقہ نا 120 ءَ ریکارڈ دیمروئی ءِ کار برجاہ انت ءُ ایشی ءِ واستہ مزنیں کساسے ءَ فنڈز پجارینگ بوتگ۔ کروڑ کلدار ءِ ھرچ ءَ 175 سڑک آنی جوڑیشت ءُ گٹر ءِ نظام ءِ سرجمی ءِ کار جاری انت ایشی ءَ پد اے دمگ ءَ را نوکیں شہری آسراتی آنی گوما ھوار کنگ بیت۔ اے ھیالانی درشانی آئی ءَ شمبے ءِ روچ ءَ کولکھو ڈیر لاہور ءَ دیمروئی منصوبگ آنی بنگیج ءِ مراگش ءَ گوں تران کنان ءَ کت۔ اسپیکر سردار ایاز صادق ءَ گوشت کہ ای ٹینڈرنگ ءِ وسیلگ ءَ 200 ملین کلدار ءِ بچت کنگ بوتگ، بچت ءَ چہ رستگیں زر بنجاہی دیمروئی منصوبگ آنی سر ءَ ھم ھرچ کنگ بنت، وھدیکہ سرجمیں حلقہ ءِ تہ ءَ کل ءَ 38ارب کلدار ءِ دیمروئی منصوبگ جون 2026 ءَ تاں سرجم کنگ بنت۔ راجی ملسلہ آنی بابت ءَ تران کنان ءَ سپیکر سردار ایاز صادق ءَ گوشت کہ پاکستان اقتصادی مشکل آنی دور ءَ چہ درکپگ ءَ پد استحکام ءِ نیمگ ءَ روگ ءَ انت ءُ جھان ءِ تک ءَ آئی ءِ سیادی گہتر بوھگ ءَ انت۔ آئی ءَ گوشت کہ پاکستان امن ءُ دوستی ءِ واھشت مند اِنت، البت اگاں کجام ھم رنگ ءِ زوراکی ءِ سرا زور دیگ بہ بیت گڈا ایشی ءِ گوں زبردستی ءَ دفاع کنگ بیت ءُ راجی سلامتی ءِ سر ءَ ھچ وڑیں سوگند نہ بیت۔ قومی اسمبلی ءِ صدر ءَ گشتگ کہ ناشرکاری ءِ ہلاپ ءَ ریاست ءُ مہلوک یک مشت انت ءُ ناامنی شنگ کنوکانی ہلاپ ءَ سکیں کارروائی برجاہ بیت۔ آئی ءَ گیش گوشت کہ اوگانستان ءَ چہ لوٹ کنگ بوتگ کہ آ وتی سرزمین ءَ پاکستان ءِ ھلاپ ءَ ناشرکاری ءِ واستہ کارمرد کنگ ءَ را موہ مہ دنت ءُ اے درگت ءَ کتگیں وعدہ آنی سر ءَ عمل کنگ ءَ را دل یکیمی بہ کنت۔ قومی اسمبلی ءِ صدر ءَ گشتگ تحریک انصاف ءِ بانی ءِ میڈیکل چکاس ءِ بابت ءَ شنگ بوتگیں گپ ءُ تران بے بُنیں ثابت بوتگ انت ءُ چکاس ءِ بابت ءَ درستیں بندوبست کانود ءُ ضوابط ءِ ردا کنگ بوتگ انت۔ اے درگت ءَ وفاقی تہی کارانی وزیر محسن نقوی ءِ نیمگ ءَ چہ یک پیغامے سر کنگ بوت، وھدیکہ ڈاکٹر ءِ دستیابی بیرسٹر گوہر ءُ اسد قیصر ءِ شور ءُ سلاھ ءَ چہ ممکن بوت۔ اسپیکر سردار ایاز صادق ءَ گوشت کہ حکومت مہنگائی ءَ را کم کنگ، برآمدات ءِ تہ ءَ گیشی ءُ السی ریلیف پجارینگ ءِ واستہ عملی گامگیج کنگ ءَ انت، مزن وزیر شہباز شریف ءُ سر وزیر پنجاب مریم نواز ءِ سروکی ءَ السی گہبود ءِ منصوبگ تیزی ءَ گوں سرجم کنگ بوھگ ءَ انت۔ اے موہ ءِ سر ءَ اسپیکر سردار ایاز صادق ءَ جار جت کہ دیمروئی منصوبگ آنی سرجمی ءَ پد دمگ ءِ تر ءُ تاب کنگ بیت تانکہ الس ءَ را نوکیں ءُ کوالٹی ءِ آسراتی پجاری دل یکیمی کنگ بہ بیت۔