وزارت پارلیمانی امور پارلیمانی امور ءِ تہا مرکزی کرد پیلو کنت، ڈاکٹر طارق فضل چوہدری ءِ  گلگدار

اسلام آباد۔22فروری  (اے پی پی):پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ مردمی توان ءُ ذیلی محکمہ آنی رد ءَ کسانیں وزارت بوھگ ءِ باوجود پارلیمانی کار آنی تہ ءَ وزارت پارلیمانی کار آنی تہ ءَ مستریں کرد پیلو کنت۔ امریکی صدر ڈونلڈ ٹرمپ ءِ نیمگ ءَ مزن وزیر شہباز شریف ءُ فیلڈ مارشل سید عاصم منیر ءِ سروکی ءِ مہارت ءُ شخصیت ءِ ھوالگ ءَ مزن وزیر ءِ گوستگیں تر ءُ تاب ءِ ساھت ءَ داتگیں توسیپ ءَ پاکستان ءِ ھوالگ ءَ دگنیا ءَ را جوانیں پیغام داتگ۔ مزن وزیر ءَ وزارت پارلیمانی امور ءِ کارکردگی ءَ را ھاسیں رنگ ءَ ساڑاتگ۔ جمعہ ءِ روچ ءَ اے پی پی ءَ گوں ھاسیں گپ ءُ تران کنان ءَ آئی ءَ گوشت کہ پارلیمانی امور ءِ وزارت ءِ کارندہ دگہ وزارت آنی مقابلہ ءَ کمتر انت بلے اے درستیں وزارت آنی چہ گیش ارزشت ءِ وزارت انت، پارلیمنٹ ءِ سرجمیں کاروبار ھمے وزارت ءِ وسیلگ ءَ کنگ بنت۔ آئی ءَ گوشت کہ قومی اسمبلی ءُ سینیٹ ءِ دیوان آنی ساھت ءَ ایوان ءَ توامیں وزارت آنی نمائندگی وزارت پارلیمانی کار آنی نیمگ ءَ کنگ بیت۔ پارلیمانی امور ءِ کرد قانون سازی ءِ تہا کلیدی انت ءُ ما اے درستیں کاراں گوں وزارت ءِ قانون ءَ یکجاہ کنیں۔ آئی ءَ گوشت کہ سرجمیں سرکاری بل پارلیمانی کارانی وزارت ءِ نیمگ ءَ آرگ بنت، ءُ سینیٹ ءُ راجی اسمبلی ءِ روچانی آرڈر ھم پارلیمانی کارانی وزارت ءِ وسیلگ ءَ کیت۔ آئی ءَ گوشت کہ یک سال ءِ سرجمی ءَ ما کارکردگی ءِ ھوالگ ءَ یک کاگدے ھم شنگ کتگ کہ ایشی ءِ تہ ءَ پارلیمانی کارانی وزارت ءِ کارکردگی ءِ سر ءَ سرجمیں رنگ ءَ چمشانک دیگ بوتگ۔ آئی ءَ گوشت کہ توامیں وزارت آنی پارلیمانی جست، دلگوشی ءِ نوٹس ءُ اے دگہ توامیں جیڈھ پارلیمانی وزارت ءِ وسیلگ ءَ ایوان ءَ گیش ءُ گیوار کنگ بنت۔ آئی ءَ گوشت کہ مزن وزیر ءَ وزارت پارلیمانی امور ءِ کارکردگی ءِ ھاسیں رنگ ءَ ساڑاتگ۔ یک جُستے ءِ پسو ءَ آئی ءَ گوشت کہ کابینہ ءِ بدلی ءِ بابت ءَ مزن وزیر پیسلہ کنت۔ شہباز شریف چو جوانیں کپتانی وڑا جوانیں کار کنوکانی توسیپ ءَ کنت ءُ نہ کنوکاں جست ءُ پرس کنت۔ مزن وزیر کارکردگی ءِ چار ءُ تپاسی ءَ پد ایوک ءَ کابینہ ءِ بدلی ءِ بابت ءَ پیسلہ کنت۔ یک جستے ءِ پسو ءَ آئی ءَ گشتگ کہ قومی اسمبلی ءِ 10 قائمہ کمیٹیانی چیئرمین تحریک انصاف ءَ چہ انت۔ ہر کمیٹی ءِ تہا چار ءُ پنچ باسک بنت۔ بلے 10 کمیٹیانی استعفیٰ ءَ پد کہ آہانی چیئرمین پی ٹی آئی ءِ بوتگ انت آہانی کار چہ پبلک اکاؤنٹس کمیٹی ءَ ہم ہلاس بوتگ ات۔ من اسپیکر ءَ را سوج داتگ ات کہ ما اے کمیٹیانی دیواناں ریکوئزیشن کت کنیں۔ ایشی ءَ پد کمیٹیاں ریکوئزیشن ءِ وسیلگ ءَ وتی کار سرجم کنگ بندات کت۔ آئی ءَ گوشت کہ پبلک اکاؤنٹس کمیٹی ءِ دیوان ھم ریکوئزیشن ءِ وسیلگ ءَ باقاعدہ برجم دارگ بوھگ ءَ انت۔ دگہ جستے ءِ پسو ءَ آئی ءَ گوشت کہ گورننس ءِ ھوالگ ءَ جست ءِ پسو ءَ کلاک لگ ایت، ما مشکلیں جاور آنی تہ ءَ حکومت وتی دست ءَ گپت۔ مزن وزیر شہباز شریف محنت کنت ۔ پی ٹی آئی ءِ واھگ بوتگ کہ ملک دیوالیہ بہ بیت ءُ مردم تالیاں بہ جن انت۔ آئی ءَ گوشت کہ مرچی ملک ءِ اقتصادی اشاریہ گہتر بوھگ ءَ انت، درملکی سرمایہ کاری آھگ ءَ انت، اقتصادی برجائی آھگ ءَ انت، درملکی زرّ ءِ تہ ءَ ریکارڈ شرح ءَ گیشی بوتگ، مئے کوشست کشت ءُ کشاری، معیشت، موسمیاتی بدلی ءُ آئی ٹی ءِ پڑ ءَ کار ءِ رفتار ءَ را ترند کنگ انت، ما سوبمندی ءِ منت وار ایں آئی ءَ گوشت کہ مارا ناشرکاری ءِ دیم ءَ اوشتاتگ کہ اے یک چیلنج ءِ، ایشی ءِ سر ءَ چہ گر ءُ چیل بوھگ ءِ واستہ سرجمیں رنگ ءَ کوشست کنگ بوھگ ءَ اِنت۔ آئی ءَ گوشت کہ بھارت ءِ ھلاپ ءَ آپریشن بنیان المرسوس ءِ بے دروریں سوبمندی ءَ پد اسلامی دگنیا ءَ ھوار سرجمیں دگنیا پاکستان ءَ دگہ زات ءُ چماں چہ چارگ ءَ انت۔ آئی ءَ گوشت کہ ایشی ءِ مستریں درور مزن وزیر شہباز شریف ءُ فیلڈ مارشل سید عاصم منیر ءِ سروکی ءِ ازم ءُ شخصیت ءِ ھوالگ ءَ مزن وزیر ءِ گوستگیں تر ءُ تاب ءِ ساھت ءَ امریکی صدر ٹرمپ ءِ نیمگ ءَ ھما ساڑاگ انت کہ آئی ءَ دگنیا ءَ را یک جوانیں کلوہ یے دیم داتگ کہ پاکستان چون دیم ءَ آیگ ءَ انت۔ آئی ءَ گوشت کہ ان شاءاللہ ملک ءَ را گیش دیمروئی رس ایت۔