اسکاؤٹ ڈے 2026 ءِ موہ ءَ پاکستان ءِ صدر ءُ چیف اسکاؤٹ آصف علی زرداری ءِ کلوہ

اسلام آباد۔22فروری  (اے پی پی):جھان ءِ اسکاؤٹس روچ ءِ درگت ءَ پاکستان ءِ صدر ءُ چیف اسکاؤٹس آصف علی زرداری ءَ پاکستان بوائے اسکاؤٹس ایسوسی ایشن ءِ پنچ سد ھزار ءَ چہ گیش اسکاؤٹس ءُ سروک آناں دل ءِ جہلانکی ءَ چہ سلام ءُ دروت درشان کتگ۔ صدارت ءِ پریس ونگ ءِ رد ءَ آئی ءَ ورلڈ اسکاؤٹ ڈے ءِ موہ ءَ وتی پیغام ءِ تہ ءَ گوشت کہ اے روچ لارڈ بیڈن پاول ءِ سالروچ ءِ درگت ءَ برجم دارگ بیت کہ آ 22 فروری 1857 ءَ ودی بوتگ ءُ بوائے اسکاؤٹس ایسوسی ایشن ءِ بُن ھشت ایر کنوک بوتگ۔ صدر ءِ مملکت ءَ گوشت کہ اے روچ سرجمیں دگنیا ءَ چہ 60ملین ءَ چہ گیش اسکاؤٹس آنی نیمگ ءَ برجم دارگ بنت ءُ ورنا آناں بااختیار کنگ ءَ چہ دگنیا ءَ را گہتر کنگ ءِ آئی ءِ وژن ءَ را شرپ مند کنگ بیت کہ 176ملک ءُ دمگ آنی تہ ءَ شنگ ءُ تالان بوتگ ءُ ورنا آناں جان سلامتی ءِ چست ءُ ایر آنی واستہ موہ پجاری کنگ ءَ اِنت۔ آئی ءَ گوشت کہ راج ءِ پِت قائداعظم محمد علی جناح ءَ ورنا آنی کردار ءُ آیوکیں باندات ءِ جوڑ کنگ ءَ اسکاؤٹنگ ءِ ارزشت ءَ را من اِتگ۔ 22دسمبر 1947 ءَ پاکستان ءِ اولی چیف اسکاؤٹ ءِ بستار ءَ اسکاؤٹس ءَ گوں تران کنان ءَ آئی ءَ گوشت کہ اسکاؤٹنگ مئے ورنا آنی کردار ءِ جوڑ کنگ، آوانی جسمانی، ذھنی ءُ روحانی دیمروئی ءُ آھاں منظم، برداشت، کارآمد ءُ جوانیں شہری جوڑ کنگ ءِ واستہ سک باز ھاسیں کرد پیلو کت کنت۔ صدر ءِ مملکت ءَ گوشت کہ مرچی اسکاؤٹ ءِ چست ءُ ایر آناں گیش مھکم کنگ ءِ زوتیں ضلورت انت تانکہ مئے راج ءَ را سبز، موسمی ایمن، منشیات ءَ پاک ءُ ڈیجیٹل بااختیار جوڑ کنگ بہ بیت۔ آئی ءَ گوشت کہ اسکاؤٹس وتی تربیت ءَ را زندمان ءِ ھنر آنی تہ ءَ گیشی ءِ واستہ کارمرد بہ کن اَنت، ایمرجنسی ءُ آفت آنی گوما گر ءُ چیل بوھگ ءِ تہ ءَ کرد پیلو بہ کن اَنت ءُ پاکستان ءَ چہ پولیو ءِ ھلاسی ءَ ھم کمک بہ کن اَنت۔ صدر ءِ مملکت ءَ وتی اے یکوئی ءِ درشان کت کہ آیوکیں سال آنی تہ ءَ پاکستان بوائے اسکاؤٹس ایسوسی ایشن کہ ورلڈ آرگنائزیشن آف دی اسکاؤٹس موومنٹ ءَ گوں سیادی دار ایت یک گیش دیمروئی کتگیں ءُ کارآمدیں ادارگ ءِ رنگ ءَ سہرا بیت ءُ راج ءَ را جوانیں پڑ ءَ دیم ءَ برگ ءِ واستہ وتی کرد ءَ پیلو کنت۔ آئی ءَ گوشت کہ پاکستان ءِ چیف اسکاؤٹ ءِ بستار ءَ پاکستان ءِ توامیں اسکاؤٹس وتی مزنیں مشن ءِ تہ ءَ برجاھیں سوبمندی ءِ دعا لوٹ آں ۔ اللہ تعالیٰ بوائے اسکاؤٹس ایسوسی ایشن ءَ یک پلیٹ فارمے جوڑ بہ کنت کہ مئے ورناہاں راجی جوڑیشت ءِ یک موثریں ڈرائیورے جوڑ بہ کنت۔