پاکستانی ڈل ءَ ھزانگ ءُ آمدنی ءِ وزیر سینیٹر محمد اورنگزیب ءِ سروکی ءَ واشنگٹن ڈی سی ءَ امریکی محکمہ تجارت ءَ امریکی وزیر تجارت ہاورڈ اے لٹنک ءَ گوں گند ءُ نند

اسلام آباد۔21فروری  (اے پی پی):واشنگٹن ڈی سی ءَ امریکی محکمہ تجارت ءَ پاکستانی ڈل ءَ وزیر خزانہ ءُ آمدنی سینیٹر محمد اورنگزیب ءِ سروکی ءَ امریکی وزیر تجارت ہاورڈ اے لٹنک ءَ گوں گند ءُ نند کت۔ وزیر ءِ ھزانگ ءِ ھمراھی ءَ سیکرٹری آف کامرس، امریکہ ءَ پاکستان ءِ سفیر ءُ تجارت ءُ اقتصادی وزیر ھم ھوار اتنت۔ اے گپ شمبے ءِ روچ ءَ وزارت ھزانگ ءِ نیمگ ءَ جاڑی بوتگیں بیان ءِ تہ ءَ گوشگ بوت۔ دوئیں نیمگ ءَ تجارت ءُ سرمایہ کاری ھاسیں رنگ ءَ اقتصادی کمک ءَ را گیش دیمروئی دیگ ءِ واھشت ءِ درشان کت۔ ایشی ءَ ابید آئی سی ٹی، کان کنی ءُ توانائی ءِ شوبگ آنی تہ ءَ سرمایہ کاری ءِ تہ ءَ امریکہ ءِ واھشت ءِ سر ءَ ھم گپ ءُ تران کنگ بوت۔ وزیر ءِ ھزانگ ءَ 31مارچ 2026 ءَ برجم دارگ بوھوکیں امریکہ ءُ پاکستان ءِ تجارت ءُ سرمایہ کاری فورم ءِ برجائی ءِ تہ ءَ امریکی چیمبر آف کامرس ءِ کرد ءَ را ساڑات، فورم ءِ تہ ءَ دوئیں ملک آنی سروکیں کمپنی آنی نمائندگ ءُ پاکستان ءُ امریکہ ءِ نیمگ ءَ چہ وزارتی تک ءِ سروکی بھر زوری کن اَنت۔ ھزانگ ءِ وزیر ءَ امیت سہرا کت کہ امریکی سیکرٹری کامرس ءِ کارگس ھم فورم ءَ بھر زوری کنت۔ دوئیں نیمگ ءَ آیوکیں ماھ آنی تہ ءَ مزنیں منصوبگ آنی تہ ءَ سرمایہ کاری ءِ سیادی آناں گیش دیم ءَ برگ ءِ وتی عزم ءِ پدر کنگ بوت۔