امریکی صدر ڈونلڈ ٹرمپ ءِ منگ پاکستان ءِ گیش بوھوکیں اثر ءُ رسوخ ءُ جھان ءِ تک ءَ آئی ءِ مھکمیں جاہ ءِ پدریں نشانی اِنت، وفاقی وزیر ڈاکٹر طارق فضل چوہدری

اسلام آباد۔21فروری  (اے پی پی):پارلیمانی کارانی وفاقی وزیر ڈاکٹر طارق فضل چوہدری ءَ امریکی صدر ڈونلڈ ٹرمپ ءِ مزن وزیر محمد شہباز شریف ءُ فیلڈ مارشل سید عاصم منیر ءِ کرد ءِ منگ ءِ توسیپ کتگ ءُ گوشت کہ اے پاکستان ءُ میاں اوستمانی چاگرد ءِ اثر ءُ رسوخ ءِ بابت ءَ یک ھاسیں نشانی یے دنت۔ حد. شمبے ءِ روچ ءَ نجی چینل ءَ گوں تران کنان ءَ وفاقی وزیر ءَ گوشت کہ صدر ٹرمپ ءِ منگ پاکستان ءِ جھان ءِ سفارتی اثر ءُ رسوخ ءَ را گیش کنگ ءِ واستہ یک ھاسیں گامگیج ءِ درشان اِنت۔ آئی ءَ گوشت کہ مزن وزیر محمد شہباز شریف ءُ فیلڈ مارشل سید عاصم منیر ءِ سروکی ءَ پاکستان گلوبل فورم آنی تہ ءَ مسلم امت ءِ جوانیں رنگ ءَ نمائندگی کنگ ءَ انت۔ آئی ءَ اے گپ ءِ سر ءَ زور پر دات کہ سرجمیں دگنیا ءَ مسلمان کمیونٹی ءِ ھک ءُ نپ آنی وکالت کنگ ءَ پاکستان ءِ کرد مھکم بوتگ، ایشی ءَ چہ پاکستان ءِ سفارتی اثر ءُ رسوخ گیش مھکم بوتگ۔ آئی ءَ گوشت کہ امریکی صدر ءِ نیمگ ءَ چہ پاکستانی سروکی ءِ کرد ءِ ساڑہ ءَ چہ میاں اوستمانی سیادی آنی تہ ءَ پاکستان ءِ بستار مھکم بیت ءُ جھان ءِ پڑ ءَ پاکستان ءِ گیش بوھوکیں کرد ءِ ھم پدر اِنت۔ وفاقی وزیر ڈاکٹر طارق فضل چوہدری ءَ فیلڈ مارشل سید عاصم منیر ءِ توسیپ کتگ ءُ آئی ءَ را یک جوانیں جنرل ءُ دلیریں سپاھیگے گشتگ۔ آئی ءَ آرمی چیف فیلڈ مارشل سید عاصم منیر ءِ استثنائی قیادت ءُ پاکستان ءِ دفاع ءِ ھاتر ءَ آئی ءِ انمولیں کرد ءِ سر ءَ زور پر دات ءُ دمگی ءُ جھان ءِ تک ءَ ملک ءِ اسٹریٹجک کرد ءَ را دیمروئی دیگ ءِ تہ آئی ءِ کرد ءِ ھم ساڑات۔ آئی ءَ پاکستان ءُ امریکہ ءِ نیام ءَ ھاسیں رنگ ءَ صدر ٹرمپ ءِ سروکی ءَ مھکمیں سیادی ءِ توسیپ ھم کتگ۔ وفاقی وزیر ءَ اے گپ ءِ سر ءَ زور پر دات کہ گیش بوھوکیں پاک امریکہ ءِ سیادی ھاسیں جھان ءِ جیڈھ آنی سر ءَ وت مہ وتی احترام ءُ کمک ءِ درشان اِنت۔ ڈاکٹر طارق فضل چوہدری ءَ تحریک انصاف ءِ سرا ایراد گپتگ ءُ گشتگ کہ ہچ گل، سیاسی گل یا مردم ریاست ءِ حاکمی ءَ چیلنج کت نہ کنت۔ آئی ءَ اے گپ ءِ سر ءَ زور پر دات کہ گوستگیں وئیلانی تہ ءَ لھتے گلاں ریاست ءِ مخالفت کنگ ءِ کوشست کتگ بلے بے سوب بوتگ اَنت۔ ڈاکٹر طارق فضل چوہدری ءَ ھشدار داتگ کہ ریاست ءِ کارکردگی ءَ را ھراب کنگ یا آئی ءِ ادارگ آناں چیلنج کنگ ءِ ھرچ وڑیں کوشست برداشت کنگ نہ بیت۔ آئی ءَ اے گپ ءِ سر ءَ زور پر دات کہ ریاست ءِ مھکم ءُ یکوئی بے درور مان ایت۔ آئی ءَ اے گپ ءِ نیمگ ءَ دلگوش گور کت کہ حکومت ءِ امن ءُ ایمنی ءِ برجائی ءِ عزم ءَ چہ اے گپ ءِ پدر کنگ بیت کہ اے وڑیں کارروائیاں گوں فیصلہ کنوکیں رنگ ءَ دیم پہ دیم کنگ بیت۔