وفاقیداخلہ ءِ وزیر محسن نقوی ءَ گوں بنجاھی وزیر آنی  گند ءُ نند

اسلام آباد۔21فروری  (اے پی پی):وفاقی وزیر داخلہ محسن نقوی ءَ گوں وفاقی وزیر آنی گند ءُ نند کتگ۔ گند ءُ نند کنوکیں وفاقی وزیر آنی تہ ءَ مسلم لیگ ءِ چوہدری سالک حسین، ایم کیو ایم ءِ خالد مقبول صدیقی ءُ بلوچستان عوامی پارٹی ءِ خالد مگسی ھوار اَنت۔ شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ ملک ءِ سرجمیں جاور ھال ءُ تہی ایمنی ءِ جیڈھ آنی سر ءَ سرجمی ءَ گپ ءُ تران کنگ بوت۔ گند ءُ نند ءَ ملک ءِ استیں سیاسی جاورانی سرا ہم گپ ءُ تران کنگ بوت۔ تہی کارانی وزیر محسن نقوی ءَ سئیں پارٹیانی سروکاں کے پی کے ءُ بلوچستان ءِ جاور ھالانی بابت ءَ سرپدی دات ءُ امن ءِ برجائی ءِ واستہ چست کنگ بوھوکیں گامگیج آنی بابت ءَ ھم سرپد کت۔ وفاقی وزیر چوہدری سالک حسین، خالد مقبول صدیقی ءُ خالد مگسی ءَ امن ءِ برجائی ءِ واستہ فیلڈ مارشل جنرل عاصم منیر ءِ دلجمیں کوشست آناں ساڑات ءُ گوشت کہ پاکستان ءَ ناشرکاری ءِ ھلاسی ءِ واستہ مئے گل سیکورٹی فورسز ءِ گوما شانہ پہ شانہ اوشتاتگ اَنت۔ آئی ءَ گوں بے دروریں جار جتگ کہ مئے پارٹی مدام سیکورٹی فورسز ءِ ھمراھی ءَ اوشتات کن اَنت۔ وفاقی وزیر آناں امن ءِ برجائی ءُ ناشرکاری ءِ ھلاسی ءِ واستہ یکجائی ءَ کار کنگ ءِ وتی عزم ءِ پدا زور دات ءُامن ءِ برجائی ءِ واستہ سیکورٹی فورسز ءِ دلیری ءِ کار آناں ھم شگر ءُ منت درشان کت۔ وفاقی وزیر آں فتنہ الخوارج ءِ ناشرکارانی ھلاپ ءَ بھادری ءَ گوں جنگ ءِ وھد ءَ وتی جان ندر کتگیں بہادریں زھگ آناں شگر ءُ منت پیش کت ءُ گوشت کہ ما شھید آنی ھاندان ءِ گوما اوشتاتگ آں ءُ مدام ھمراہ داری کنگ ءَ آں ۔