سینیٹ ءِ چیئرمین سید یوسف رضا گیلانی ءَ بنوں ءَ سیکورٹی فورسز ءِ کاروان ءِ سرا اُرش مذمت

اسلام آباد۔21فروری  (اے پی پی):سینیٹ ءِ چیئرمین سید یوسف رضا گیلانی ءَ بنو ءَ سیکورٹی فورسز ءِ کاروان ءِ سر ءَ فتنہ الخوارج ءِ ناشرکارانی نیمگ ءَ اُرش ءِ سک باز مذمت کتگ۔ آئی ءَ اے بزدلیں کارروائی ءَ را امن ءُ ایمنی ءِ ھلاپ ءَ زھرناکیں سازش لیک اِتگ ءُ گوشت کہ ناشرکاری ھچ وڑیں جاور ھال ءَ منّگ نہ بیت ءُ اے وڑیں کارروائی راج ءِ ارادہ ءَ را ھلاس کُت نہ کنت۔ شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ تہ ءَ چیئرمین سینیٹ ءَ گوشت کہ مھمکوانیں وطن ءِ دفاع ءُ ایمنی ءِ واستہ پاک اُرد ءُ ایندگر کانود نافذ کنوکیں ادارگ آنی قربانی شموشکار نہ بنت۔ سرجمیں راج وتی دلیریں سپاھیگانی کش ءَ اوشتاتگ ءُ راج دژمنیں عناصر ءِ بدیں رھبند ھرچ قیمت ءَ ناکام کنگ بنت۔ آئی ءَ اے جزم ءِ پدا زور دات کہ ناشرکاریں عناصر ءِ ھلاپ ءَ فیصلہ کنوکیں ءُ موثر کارروائی برجاہ بنت ءُ ریاست ءِ رٹ ھمک قیمت ءَ برجم دارگ بیت۔ چیئرمین سینیٹ ءَ گوشت کہ سیکورٹی فورسز ءِ وھد ءُ پاس ءِ جوانیں پسو ءِ آسر ءَ بازیں ناشرکار بیران بوتگ، ایشی ءِ ثبوت انت کہ مئے ورنا ھمک چیلنج ءَ گوں دیم پہ دیم بوھگ ءِ واستہ سرجمی ءَ لائک انت۔ سینیٹ ءِ چیئرمین سید یوسف رضا گیلانی ءَ ارش ءَ شہید بوتگیں لیفٹیننٹ کرنل شہزاد گلفراز ءُ سپاہی کرامت شاہ ءِ کھول ءِ گوما دلپدردی ءِ درشانی کتگ ءُ گشتگ کہ راج وتی شہیدانی قربانی ءَ را کدی شموشکار نہ بیت۔ آئی ءَ شہیدانی رِتک برز کنگ ءُ غم ءِ آماچیں کھول ءِ صبر ءُ اوپار ءِ واستہ دعا کتگ۔ سرجمیں راج ءَ مئے ورنا آنی بہادری، پیشہ وارانہ ءُ ملک ءِ واستہ بے دروریں مھمک ءِ سر ءَ پھر انت ءُ ناشرکاری ءِ آبا ءِ سرجمی ءَ ھلاسی ءَ تاں جہد برجاہ مان ایت۔