ھمک شہری الس  ءَ را  ھم کچیں  موہ دیگ مئے یکجائی ذمہ واری اِنت، سینیٹر شیری رحمن

اسلام آباد۔20فروری  (اے پی پی): پاکستان پیپلز پارٹی ءِ نائب صدر سینئر شیری رحمان ءَ گوشت کہ ھمک شھمکی ءَ را یک وڑیں موہ پجارینگ ءُ آئی ءِ محنت ءِ رد ءَ جوانیں زندمان ءِ گوازینگ ءِ وسیلہ پجارینگ مئے یکجاھیں ذمہ واری اِنت۔ پاکستان ءِ مول ءُ مراد یک انصاف، وشحال، برابر ءُ چاگرد دوستیں چاگردے ءِ جوڑ کنگ بہ بیت۔ چاگردی انصاف ءِ جھان ءِ روچ ءِ موہ ءَ وتی کلوہ ءِ تہ ءَ آئی ءَ گوشت کہ مرچی اے وعدہ ءِ پدا پدر کنگ المی اِنت کہ ھر شھمکی ءَ را یک وڑیں موہ ءُ انصاف ءِ سرجمیں رسائی ءِ ھست بہ بیت۔ پاکستان ءَ لکاں مردم روچ پہ روچ چاگردی ءُ اقتصادی کمک ءِ ضلورت ءَ انت۔ پمیشکا ریاست ءِ ذمہ واری انت کہ آ نزوریں تبکاں جوانیں رنگے ءَ رکھینگ بہ کنت۔ آئی ءَ گوشت کہ انکم سپورٹ پروگرام ءَ مالی کمک پجاری ءَ چہ لاکھوں ھاندان آنی زندمان ءِ سر ءَ جوانیں اثر مند بوتگ انت۔ سیکرٹری شری رحمان ءَ گوشت کہ اے پروگرام ءَ چہ نہ ایوک ءَ گریبی ءِ کمی ءِ سبب جوڑ بوتگ بلکیں زالبول، زھگ، پیریں مردم ءُ ایندگر نزوریں گل آناں وانگ ءُ زانگ، جان سلامتی ءُ وردن ءِ آسراتی ءَ را ھم جوانیں رنگ ءَ رسگ ءَ انت۔ آئی ءَ اے گپ ءِ سر ءَ زور پر دات کہ حکومت ءَ را مہنگائی ءُ چاگردی مٹ ءُ بدل ءِ اثر آناں کم کنگ، وسیلگ آناں جوانیں رنگ ءَ کارمرد کنگ ءُ المی اصلاحات آنی سر ءَ سنجیدگی ءَ گوں دلگوشی دیگی اِنت۔ آئی ءَ گوشت کہ چاگردی انصاف ءِ دیمروئی، برابری ءِ موہ آناں گیش کنگ ءُ ھمک شھمکی ءَ را چاگردی یا اقتصادی نزوری ءَ چہ رکھینگ وھد ءِ ھاسیں لوٹ اَنت۔