واشنگٹن۔20فروری (اے پی پی): مزن وزیر محمد شہباز شریف ءُ امریکی وزیر خارجہ مارکو روبیو ءَ پاکستان ءُ امریکہ ءِ نیام ءَ وت مہ وتی بیپار ءُ اقتصادی کاروائی آناں دیمروئی ءُ ناشرکاری ءِ ھلاپ ءَ جنگ ءِ پڑ ءَ کمک ءَ را گیش مھکم کنگ ءِ سر ءَ تپاک کتگ وھدیکہ مزن وزیر ءَ دو یکجاھیں رابطہ ءِ برجاہ دارگ ءِ سر ءَ زور پر دات۔ تیزی ءَ گوں …
مزن وزیر شہباز شریف ءُ امریکی وزیر خارجہ مارکو روبیو ءَ گند ءُ نند کتگ، وت مہ وتی بیپار، اقتصادی کاروائی آناں دیمروئی، ءُ ناشرکاری ءِ ھلاپ ءَ جنگ ءِ پڑ ءَ کمک ءَ را گیش مھکم کنگ ءِ سر ءَ تپاک
گیشتریں ھال
واشنگٹن۔20فروری (اے پی پی): مزن وزیر محمد شہباز شریف ءُ امریکی وزیر خارجہ مارکو روبیو ءَ پاکستان ءُ امریکہ ءِ نیام ءَ وت مہ وتی بیپار ءُ اقتصادی کاروائی آناں دیمروئی ءُ ناشرکاری ءِ ھلاپ ءَ جنگ ءِ پڑ ءَ کمک ءَ را گیش مھکم کنگ ءِ سر ءَ تپاک کتگ وھدیکہ مزن وزیر ءَ دو یکجاھیں رابطہ ءِ برجاہ دارگ ءِ سر ءَ زور پر دات۔ تیزی ءَ گوں بدل بوھوکیں جھان ءِ چاگرد ءَ مول ءُ مراد ءِ سرا کار کنگ ءَ انت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ بورڈ آف پالیسی لیڈرز ءِ دیوان ءِ ساھت ءَ امریکی وزیر ءِ درئی کار مارکو روبیو ءَ گوں گند ءُ نند کتگ۔ اے موہ ءِ سر ءَ مزن وزیر ءِ ھمبراھی ءَ نائب مزن وزیر ءُ درئی کارانی وزیر سینیٹر محمد اسحاق ڈار ھم ھوار بوت۔ مزن وزیر ءَ امریکی صدر ڈونلڈ ٹرمپ ءُ درئی کارانی وزیر روبو ءَ را بورڈ آف پیس ءِ سوبمندیں بنگیج ءِ سر ءَ مبارک بات دات ءُ غزہ امن منصوبگ ءِ سر ءَ عمل کنگ ءِ واستہ بورڈ آف پیس ءِ گوما کار کنگ ءِ واستہ پاکستان ءِ تیاری ءِ یک رندے پدا گوشت۔ دوئیں نیمگ ءَ پاکستان ءُ امریکہ ءِ نیام ءَ اسٹریٹجک سیادی ءِ ارزشت ءِ سر ءَ زور پر دات ءُ صدر ڈونلڈ ٹرمپ ءِ سروکی ءَ شریکداری ءِ جوانیں تسلسل ءُ مومنٹم ءِ سر ءَ دل یکیمی ءِ درشان کت۔ دری کارانی وزیر آں انسداد ناشرکاری ءِ شوبگ ءَ کمک ءَ را گیش مھکم کنگ ءُ وت مہ وتی تجارتی ءُ اقتصادی چست ءُ ایر آناں دیمروئی دیگ ءِ سر ءَ تپاک کت۔ مزن وزیر ءَ ترندی ءَ گوں بدل بوھوکیں جھان ءِ چاگرد ءَ یکجائی مول ءُ مراد آنی سرجمی ءِ واستہ پاکستان ءُ امریکہ ءِ نیام ءَ مزن تک ءِ رابطہ آناں برجاہ دارگ ءِ ارزشت ءِ سر ءَ زور پر دات۔
