سپریم کورٹ ءَ سروس میٹر ءِ سر ءَ سرکار ءِ اپیل بے کار لیک اِتگ

اسلام آباد۔20فروری  (اے پی پی): پاکستان ءِ سپریم کورٹ ءَ سروس میٹر ءِ بابت ءَ حکومت ءِ اپیل بے کار لیک اتگ۔ آمید گس ءَ تاخیر ءِ معاف کنگ ءِ درخواست ھم رد کتگ۔ جسٹس عائشہ ملک ءَ نبشتھی فیصلہ ءِ شنگ کنگ ءِ وھد ءَ فیصلہ داتگ کہ سرکار ءَ ھم یک عام شہری ءِ وڑ ءَ آمید گس ءَ ھمے پروٹوکول رس ایت ءُ آئی ءَ را ھم یک عام شہری ءِ وڑ ءَ کانود ءِ پابند بوھگی اِنت۔ فیصلہ ءِ تہا گشگ بوتگ کہ دفاتر ءِ اندری قوانین یا انتظامی مشکلات چہ ٹھینگ بوتگیں قانونی مدت ءَ گیش بوت نہ کن انت۔ آمید گس ءَ تپاس  کتگ کہ سرکاری افسر آنی کمی، کمیٹی آنی دیوان ءِ نہ بوھگ یا افسر آنی ٹرانسفر کہ اے ھما چیز اَنت کہ سرکار ءِ وتی انتظامی جیڑھ اَنت، آھاں تاخیر ءِ بنیاد جوڑ کنگ ءَ چہ ھچ وڑیں توجیل ءِ دیم ءَ آرگ نہ بیت۔ بوگروکرید ءِ سست ءِ بار نہ دربار ءِ سرا ایر کنگ بیت یا دومی نیمگ ءَ۔ نبشتھی شق ءِ رد ءَ کانود ءِ برجائی  ءِ ھاتر ءَ افسر آنی آسراتی ءِ رد ءَ نہ اِنت بلکیں ڈسپلین  ءُ ٹھینگ بوتگیں وھد ءِ سر ءَ عمل کنگ لوٹ اِیت۔ ریکارڈ ءِ رد ءَ وفاقی حکومت ءَ 60 روچ ءِ ٹھینگ بوتگیں قانونی مدت ءِ گڈ بوھگ ءَ پد 20 روچ دیر ءَ اپیل درج کتگ ات کہ آمید گس ءَ ناقابل قبول لیک اتگ ات۔