صوبائی حکومت موسمی بدلی ءِ منفی اثرات ءَ گوں گر ءُ چیل بوھگ ءِ ھاتر ءَ دراجیں مدتی ءُ موثر حکمت عملی ءِ سرا کار کنگ ءَ انت، سر وزیر بلوچستان

کوئٹہ۔ 20 فروری (اے پی پی): مزن وزیر ءِ موسمیاتی مٹ ءُ بدل ءِ کارگس ءِ کوآرڈینیٹر رومینا  خورشید عالم ءَ  سر  وزیر بلوچستان میر سرفراز بگٹی ءَ گوں گند ءُ نند کت۔ گند ءُ نند ءَ بلوچستان ءَ موسمیاتی چیلنج ءُ چیلنجانی بابت ءَ چاگردی ھترہ ءُ ایشاں گوں گر ءُ چیل بوھگ ءِ یکجائی حکمت عملی ءِ بابت ءَ حیال ءُ لیکہ درشان کتگ اَنت۔ گند ءُ نند ءَ وفاقی حکومت ءُ صوبہ ءِ نیام ءَ چاگردی کمک ءَ را گیش موثر جوڑ کنگ، وسیلگ آنی پجارینگ ءُ تکنیکی ءُ کمک ءَ را گیش کنگ ءِ واستہ یک منوگری ءِ گندگ بیت۔ اے موہ ءِ سرءَ سر وزیر بلوچستان  سرفراز بگٹی ءَ گوشت کہ موسمی مٹ ءُ بدلی استیں دور ءِ یک مزنیں ءُ سنگینیں چیلنج انت، ایشی ءِ اثرات بلوچستان ءَ گیش ءَ چہ گیش گندگ بوھگ ءَ انت۔ آئی ءَ گوشت کہ صوبائی حکومت موسمی مٹ ءُ بدلی ءِ ردیں اثر آناں گر ءُ چیل بوھگ ءِ واستہ دراجیں مدتی ءُ جوانیں حکمت عملی ءِ سر ءَ کار کنگ ءَ انت۔ بنجاھی وزیر ءَ گوشت کہ بلوچستان ءَ موسمی مٹ ءُ بدلی ءَ گوں گر ءُ چیل بوھگ ءِ واستہ اولی کلائمیٹ فنڈ جوڑ کتگ ایشی ءِ مول ءُ مراد چاگردی منصوبگ آنی وھد ءِ سر ءَ سرجم کنگ ءُ آماچیں دمگ آنی تہ ءَ عملی گامگیج آنی سر ءَ عمل کنگ ءَ دل یکیمی کنگ اِنت۔ آئی ءَ اے گپ ءِ سر ءَ زور پر دات کہ صوبگ ءَ را سیلاب، ھشک سالی ءُ ایندگر چاگردی آفت آنی چہ رکھینگ ءِ واستہ جامع منصوبگ بندی ءُ ھمگرنچیں عملی گامگیج المی انت۔ سرفراز بگٹی ءَ اے گپ ءِ سر ءَ دلگوش گور کت کہ گرین ہاؤس گیس ءِ کشگ ءِ تہ ءَ بلوچستان ءِ بھر کم اِنت بلے اے صوبہ ھما صوبہ اِنت کہ موسمیاتی بدلی ءِ اثرات ءَ چہ گیشتر زیان ءِ آماچ اِنت کہ ایشی ءِ واستہ بین صوبائی ءُ وفاقی تک ءَ جوانیں کمک ءِ ضلورت اِنت۔ اے موہ ءِ سر ءَ مزن وزیر ءِ کوآرڈینیٹر رومینا  خورشید عالم ءَ گوشت کہ وفاقی حکومت بلوچستان ءِ گوما موسمی مٹ ءُ بدلی ءِ چیلنج ءَ گوں گر ءُ چیل بوھگ ءِ واستہ بلوچستان ءِ گوما کار کنت۔ آئی ءَ سرفراز بگٹی ءِ سروکی ءَ صوبائی حکومت ءِ نیمگ ءَ چست کتگیں گامگیج ستا کرز اَنت ءُ گوشت کہ بلوچستان موسمی مٹ ءُ بدلی ءِ پالیشی ءِ چیر دستی ءَ زالبول ءُ نزوریں گل آناں ھم ھوار کنگ ءَ اِنت، اے یک جوانیں ءُ دور رسیں گامگیج اِنت۔ گند ءُ نند ءَ اے جزم ءِ پدا زور دیگ بیت کہ بلوچستان ءَ چاگردی حوالہ ءَ ایمن ءُ برجمیں صوبہ جوڑ کنگ ءِ واستہ یکجائی کوشست برجاہ بیت۔