مزن وزیر شہباز شریف ءَ واشنگٹن ءَ جھان ءِ سروکاں گوں غیر رسمی گند ءُ نند کتگ

واشنگٹن ۔20فروری  (اے پی پی): واشنگٹن ءَ مزن وزیر محمد شہباز شریف ءَ دگنیا ءِ سروک آنی گوما غیر رسمی گند ءُ نند کت کہ آہاں واشنگٹن ءَ بورڈ آف پیس ءِ بنگیجی دیوان ءَ دلپھکی ءِ ماحول ءَ بہر زرتگ ات۔ جمعہ ءِ روچ ءَ مزن وزیر ءِ کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ بحرین ءِ بادشاہ حماد بن عیسی الخلیفہ، آذربائیجان  ءِ  صدر الہام علیوف، ازبکستان  ءِ  صدر شوکت مرزایوف، قازقستان  ءِ  صدر قاسم جومارت توکایف   ءُ  انڈونیشیا ءِ صدر پرابوو سوبیانتو  ءِ گوما غیر رسمی گند ءُ نند کتگ۔ ءُ دمگی جیڑھانی سر ءَ گپ ءُ تران کنگ بوت۔ اے دیوانانی تہا دوستی ءِ دست ءُ گریوگ ءُ گلے ءِ بدلی بوتگ، بچکند  اِتگ  ءُ یکے دومی ءِ وشحالی ءِ بابت ءَ جست ءُ پرس کنگ بوتگ۔ زانگ بہ بیت مزن وزیر شہباز شریف امریکی صدر ڈونلڈ ٹرمپ ءِ دعوت ءِ رد ءَ بورڈ آف پیس ءِ بنگیجی دیوان ءَ بہر زورگ ءِ واستہ امریکہ ءِ بنجاہی شہر واشنگٹن ءَ انت۔ پاکستان ءِ امن ءِ بورڈ ءِ تہا ہوار بوہگ پاکستان ءِ غزہ ءِ امن ، نوک جوڑی ، جہانی امن ، ءُ سفارتی سفارتکاری ءِ گیش بوہوکیں ارزشست  ءِ عکس اِنت۔