واشنگٹن ۔19فروری (اے پی پی): امریکی صدر ڈونلڈ ٹرمپ ءِ دعوت ءِ پد ءَ مزن وزیر محمد شہباز شریف بورڈ آف پیس ءِ دیوان ءَ بہر زورگ ءِ واستہ واشنگٹن ءَ سر بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ ھمراہی ءَ نائب مزن وزیر ءُ درئی کارانی وزیر سید محمد اسحاق ڈار ، وزیر ءِ ھزانگ سید محمد …
مزن وزیر محمد شہباز شریف امریکی صدر ڈونلڈ ٹرمپ ءِ دعوت ءِ سرا بورڈ آف پیس ءِ دیوان ءَ بہر زورگ ءِ ھاتر ءَ واشنگٹن ءَ سر بوتگ
گیشتریں ھال
واشنگٹن ۔19فروری (اے پی پی): امریکی صدر ڈونلڈ ٹرمپ ءِ دعوت ءِ پد ءَ مزن وزیر محمد شہباز شریف بورڈ آف پیس ءِ دیوان ءَ بہر زورگ ءِ واستہ واشنگٹن ءَ سر بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ ھمراہی ءَ نائب مزن وزیر ءُ درئی کارانی وزیر سید محمد اسحاق ڈار ، وزیر ءِ ھزانگ سید محمد اورنگزیب، اھوالکاری ءُ نشریات ءِ وزیر عطا اللہ تارڑ ءُ ھاسیں کمکار طارق فاطمی مزن وزیر ءِ ھمراھی ءَ اَنت۔ مزن وزیر محمد شہباز شریف مرچی (پنج شمبے) واشنگٹن ءَ برجم داشتگیں بورڈ آف پیس ءِ دیوان ءَ بہر زوریت۔ مزن وزیر ءِ واشنگٹن ءَ امریکی مزنیں کارندہ آنی گوما ھم گند ءُ نند کنگ ءِ گمان اِنت۔ بیان ءِ رد ءَ مزن وزیر محمد شہباز شریف ءِ امریکہ ءِ تر ءُ تاب پاکستان ءِ بورڈ آف پیس ءِ جھان ءِ امن ءِ ھاترا جزم ءِ درشان اِنت، جھان ءِ امن ءِ تہ ءَ پاکستان ءِ جوانیں کرد ءُ پاکستان ءِ گیش بوھوکیں سفارتی کوشست آنی درشان اِنت۔
