نائب مزن وزیر محمد اسحاق ڈار ءَ شام ءِ اقوام متحدہ ءِ دائمی نمائندہ ءَ گوں نیویارک ءَ گند ءُ نند

نیویارک۔19فروری  (اے پی پی): اقوام متحدہ ءِ سلامتی کونسل ءِ فلسطین ءِ ھوالگ ءَ مزن تک ءِ دیوان ءِ ساھت ءَ نیویارک ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ اقوام متحدہ ءِ تہ ءَ شام ءِ دائمی نمائندہ ابراہیم اولابی  ءَ گوں گند ءُ نند کت۔ پنچ شمبے ءِ روچ ءَ درئی کارانی کارگس ءِ رد ءَ نائب مزن وزیر ءَ شام ءَ استحکام ءُ راجی یکوئی ءِ دیمروئی ءِ تہ ءَ انوگیں جوانیں دیمروئی آناں وش اتک کت ءُ امیت سہرا کت کہ ایشی ءِ جوانیں رنگ ءَ عمل درآمد ءَ چہ شام ءِ امن، یکوئی ءُ علاقائی یکوئی ءَ را گیش مھکم بیت۔ آئی ءَ میاں اوستمانی کانود، حاکمیت ءُ استیں معاہدہ آنی احترام ءِ ھوالگ ءَ پاکستان ءِ اصولی موقف ءِ سر ءَ زور پر دات ءُ اے گپ ءِ سر ءَ زور پر دات کہ میاں اوستمانی زمہ واری آنی ھلاپ ورزی دمگی استحکام ءَ را ھراب کنت ءُ اے گپ ءَ را اقوام متحدہ ءِ سلامتی کونسل ءِ سیادی داروکیں قرارداد آنی رد ءَ گیواری کنگ بہ بیت۔ اے موہ ءِ سر ءَ اقوام متحدہ ءَ شام ءِ مستقل نمائندہ ابراہیم علابی ءَ پاکستان ءِ مھکمیں ءُ اصولی کمک ءَ را ساڑات ءُ نائب مزن وزیر ءَ را شام ءَ استحکام ءُ راجی مفاہمت ءِ واستہ برجاھیں کوشست آنی بابت ءَ سرپد کت۔