وفاقی وزیر برائے تجارت ءَ پاکستان قالین  مینوفیکچررز اینڈ ایکسپورٹرز ایسوسی ایشن   ءِ  ڈل ءَ گوں گند ءُ نند

اسلام آباد۔19فروری  (اے پی پی): پاکستان کارپٹ مینوفیکچررز اینڈ ایکسپورٹر ایسوسی ایشن ءِ ڈل ءَ پنچ شمبے ءِ روچ ءَ وفاقی وزیر تجارت جام کمال خان ءَ گوں گند ءُ نند کت۔ گند ءُ نند ءِ تہ ہینڈلوم کارپیٹ ایکسپورٹ شوبگ ءِ چیلنج ءُ ایشی ءِ آسراتی ءِ واستہ گامگیج آنی سر ءَ ھیال ریچی کنگ بوت۔ ڈل ءِ پیٹرن ان چیف عبداللطیف ملک  ءُ  سینئر وائس چیئرمین عثمان  ءَ کتگ ات۔ آہاں وفاقی وزیر ءَ را قالین جوڑ کنگ ءِ ھاتر ءَ المی ئیں انٹرمیڈیٹ سامان آنی سپلائی ءِ تہ ءَ رکاوٹ ءِ بابت ءَ سرپد کت کہ ایشی ءِ سبب ءَ برآمد کنوک آناں میاں اوستمانی آرڈر آناں پیلو کنگ ءَ مشکل ءِ آماچ انت ءُ ایشی ءَ چہ مارکیٹ ءِ بھر ءُ بانگ ءُ درملکی زرّ ءِ ھترہ ءِ آماچ بوھگ ءَ انت۔ ڈل ءَ آپریشنل رکاوٹ آناں دور کنگ ءُ سپلائی چین ءَ را ہموار کنگ ءِ واستہ حکومت ءَ چہ ترندیں مداخلت ءِ لوٹ کتگ۔ جام کمال خان ءَ گوشت کہ دستی قالین ءَ ھوار ویلیو ایڈڈ ایکسپورٹ ءَ را دیمروئی دیگ وزارت تجارت ءِ اولی ترجی انت۔ آئی ءَ روزگار ءِ پیداک کنگ ءِ تہ ءَ ھاسیں رنگ ءَ میتگ ءُ دمگ آنی تہ ءَ زالبولیں کاریگر آناں بااختیار جوڑ کنگ ءُ پاکستان ءِ روایتی دستکاری ءِ رکھینگ ءِ تہ ءَ اے شوبگ ءِ ھاسیں کرد ءِ سر ءَ زور پر دات۔ آئی ءَ ڈل ءَ را دل یکیمی دات کہ سپلائی چین ءِ جیڈھ آناں گیواری ءُ برآمد کنوک آناں آسراتی ءِ واستہ سرگرمیں گامگیج چست کنگ بیت، ایشی ءِ تہ ءَ اے شوبگ ءَ کار کنوکیں کسان ءُ میاں اوستمانی ادارگ آنی سر ءَ ھاسیں دلگوشی دیگ بیت۔ وفاقی وزیر ءَ شعبہ جاتی کونسل آنی چیر دستی ءَ جوانیں رنگ ءَ منظم سیکرٹریٹ جوڑ کنگ ءِ ضلورت ءِ سر ءَ زور پر دات۔ آئی ءَ گوشت کہ اے وڑیں پلیٹ فارم آناں ملک ءِ گیشیں اقتصادی ءُ دیمروئی فریم ورک ءِ گوما یکجا کنگ ءَ چہ دراجیں مدت ءِ دیمروئی ءُ احتساب ءَ را دل یکیمی کنگ بوت کنت۔ جام کمال خان ءَ پی سی ایم ای اے ءِ جیڈھ آنی زوت گیواری ءِ دل یکیمی دات۔ آئی ءَ گوشت کہ ویلیو ایڈڈ مینوفیکچرنگ ءَ را مھکم کنگ بیت، ایم ایس ایم ایز ءِ کمک کنگ بیت ءُ یک جتائیں، مقابلہ ءِ، کوالٹی ءُ پائیدار برآمداتی معیشت جوڑ کنگ بیت ءُ ایشی ءِ واستہ حکومت دستیابیں درستیں وسیلگ آناں کارمرد کنت۔