پاکستان ءِ ھلاپ ءَ ناشرکاری ءِ ھاترا اوگان سرزمین ءِ کارمرد کنگ ءِ سر ءَ اوگان چارج ڈی افیئرز ءِ ڈی مارش

اسلام آباد۔19فروری  (اے پی پی): اسلام آباد، درئی کارانی کارگس ءَ گوستگیں روچ ءَ اسلام آباد ءَ اوگان سفارتخانہ ءِ چارج ڈی افیئرز ءَ را لوٹ کتگ ءُ 16 فروری ءَ پاکستان ءِ باجوڑ  ءَ بوتگیں ناشرکاری اُرش ءِ ھوالگ ءَ اوگان عبوری حکومت ءَ را مھکمیں زھرشانی (ڈی مارش) سر کتگ۔ اے نہ وشیں وئیل ءَ 11 پاکستانی اُرد شہید بوتگ اَنت۔ پنچ شمبے ءِ روچ ءَ دری کارانی کارگس ءِ جارکش ءِ رد ءَ پاکستان ءَ بجاور ءَ پاکستانی سلاہ بندیں اُرد ءُ کانود ءِ نفاذ ءِ ادارگ آنی چیک پوسٹ ءِ سر ءَ وت کُش بمب تراک ءِ سک باز مذمت کتگ کہ ایشی ءَ پد سلاہ بندیں تیرگواری بوتگ کہ ایشی ءِ تہ ءَ فتنہ الخوارج / تحریک پاکستان طالبان ءِ نیمگ ءَ کنگ بوتگ۔ دری کارانی کارگس ءَ اے گپ ءِ سر ءَ سک باز جیڈھ ءِ درشانی کتگ کہ فتنہ الخوارج / ٹی ٹی پی ءِ سروکی اوگانستان ءَ اِنت ءُ اوگان سرزمین ءَ چہ بے رکاوٹ ءَ کار کنگ ءَ اِنت۔ اے گپ ءِ پدا زور دیگ بوت کہ پاکستان ءَ را بازیں رند ءَ اوگان عبوری حکومت ءِ نیمگ ءَ چہ دل یکیمی رستگ بلے ایشی ءِ باوجود ھچ وڑیں ھاسیں، ٹھوس ءُ تصدیق ءِ لائکیں گامگیج چست نہ بوتگ۔ اوگان عبوری حکومت ءَ را وتی سرزمین ءَ چہ کار کنوکیں درستیں ناشرکاریں گل آنی ھلاپ ءَ ترندیں، موثر، ٹھوس ءُ تصدیق ءِ لائکیں کارروائی ءَ را دل یکیمی کنگ ءِ ھاترا ھاسیں رنگ ءَ سرپدی دیگ بوتگ۔ دیمترا اوگانستان ءِ عبوری حکومت ءَ را اے گپ ءِ سر ءَ سدکیں رنگ ءَ سرپدی دیگ بوت کہ پاکستان ءَ وتی لشکر، شہری ءُ سرزمین ءِ یکوئی ءِ رکھینگ ءِ ھاترا ھر جاگہ ​​کہ آ ھست اَنت فتنہ الخوارج ءُ آھانی آسراتی ءِ ھلاپ ءَ کارروائی کنگ ءِ ھک ھست۔