اسلام آباد۔19فروری (اے پی پی): کانود ءُ انصاف ءِ وفاقی وزیر سینیٹر اعظم نذیر تارڑ ءَ گوشت کہ قانونی برادری ءَ را دیم ءَ آؤکیں جیڈھ آناں اولیت ءِ بنیاد ءَ گیش ءُ گیوار کنگ بیت ءُ اے درگت ءَ صوبائی حکومت ءُ سیادی داروکیں واکدار آنی گوما شور ءُ سلاھ ءِ وسیلگ ءَ بوت کنوکیں ءُ دیر مدتی گامگیج آناں دل یکیمی کنگ بیت۔ اے ھیالانی درشانی آئی ءَ …
قانونی برادری ءِ جیڈھ اولویت ءِ بنیاد ءَ گیش ءُ گیوار کنگ بنت، وفاقی وزیر قانود ءُ انصاف سینیٹر اعظم نذیر تارڑ
گیشتریں ھال
اسلام آباد۔19فروری (اے پی پی): کانود ءُ انصاف ءِ وفاقی وزیر سینیٹر اعظم نذیر تارڑ ءَ گوشت کہ قانونی برادری ءَ را دیم ءَ آؤکیں جیڈھ آناں اولیت ءِ بنیاد ءَ گیش ءُ گیوار کنگ بیت ءُ اے درگت ءَ صوبائی حکومت ءُ سیادی داروکیں واکدار آنی گوما شور ءُ سلاھ ءِ وسیلگ ءَ بوت کنوکیں ءُ دیر مدتی گامگیج آناں دل یکیمی کنگ بیت۔ اے ھیالانی درشانی آئی ءَ راولپنڈی ڈویژن ءِ جتاجتائیں بار ایسوسی ایشن آنی نوک گچین بوتگیں اگدہ دار آنی گوما گند ءُ نند ءِ ساھت ءَ کت۔ اے موہ ءِ سر ءَ کانود ءُ انصاف ءِ وزیر ءِ مملکت بیرسٹر عقیل ملک ھم ساڑی ات۔ دیوان ءِ تہ ءَ ھر بار ایسوسی ایشن ءِ دیم ءَ پیشہ وارانہ، انتظامی ءُ آسراتی ءِ جیڈھ آنی سر ءَ الگ الگ ءَ گوں تفصیل ءَ گپ ءُ تران کنگ بوتگ۔ نوک گچین بوتگیں نمائندگاں وتی وتی بار آنی جیڈھ ءُ سوج آناں وفاقی وزیر ءَ را سرپد کتگ۔ وفاقی وزیر ءَ بار ءِ نمائندگ آنی ھیال آناں دلگوشی ءَ گوں گوش داشتگ ءُ دل یکیمی داتگ کہ انصاف ءِ پجارینگ ءِ نظام ءَ را گیش مھکم کنگ ءِ واستہ قانونی کمیونٹی ءِ گوما موثر رابطہ برجائی کنگ بیت۔ وزیر مملکت بیرسٹر عقیل ملک ءَ ھم وکیل آنی گوما ھمگرنچی ءُ کمک ءِ جزم ءِ درشان کت۔
