موسمیاتی بدلی ءُ چاگردی ہمگرنچی ءِ وفاقی وزیر ڈاکٹر مصدق ملک ءَ آذربائیجان ءِ سفیر خیزر فرہادوف ءَ گوں گند ءُ نند کتگ، ایکو ءِ دیوان ءَ قطعی ءُ اصولی لیکہ  ءِ ستا کرتگ

اسلام آباد۔19فروری  (اے پی پی): آذربائیجان ءِ سفیر خیزر فرہادوف ءَ موسمیاتی بدلی ءُ چاگردی ہم آہنگی ءِ وفاقی وزیر ڈاکٹر مصدق ملک ءَ گوں گند ءُ نند کت۔ گند ءُ نند ءِ ساھت ءَ آذربائیجان ءِ سفیر ءَ موسمیاتی بدلی ءِ ھوالگ ءَ ایکو ءِ دیوان ءَ ڈاکٹر مصدق ملک ءِ کٹ ءُ اصولی موقف ءِ ساڑات کت ، ھاسیں رنگ ءَ آئی ءَ را جھان ءِ تک ءَ یکجائی ذمہ واری ءِ سر ءَ زور دیگ ءُ موسمیاتی زمہ واری آنی تہ ءَ ناہمگامی آنی پجارینگ ءِ سر ءَ توسیپ کت۔ موسمیاتی بدلی ءِ وزارت ءِ جارکش ءِ رد ءَ آذربائیجان ءِ سفیر ءَ دیمروئی کنوکیں ملک آنی واستہ منصفانہ موسمیاتی گامگیج آنی وکالت کنگ ءِ تہ ءَ پاکستان ءِ فعال ءُ تعمیری کرد ءِ ھم ساڑات۔ دوئیں رہشوناں پاکستان ءُ آذربائیجان ءِ نیام ءَ گہتریں براتی سیادی ءِ پدا پدر کت ءُ اے گپ ءِ سر ءَ زور پر دات کہ دوئیں ملک راجدپتری، دود ءُ ربیدگی ءُ وت مہ وتی ءِ احترام ءِ مھکمیں سیادی ءِ گوما بندوک اَنت۔ آذربائیجان ءِ سفیر ءَ وفاقی وزیر ءَ را 13می جھان ءِ شہری فورم ءَ بھر زوری کنگ ءِ دعوت دات کہ 17 ءَ چہ 22 مئی 2026 ءَ باکو ءَ برجم دارگ بیت۔ ڈاکٹر مصدق ملک ءَ دعوت ءِ وش اتک کنان ءَ پاکستان ءُ آذربائیجان ءِ نیام ءَ پائیدار دیمروئی ءُ وت مہ وتی کمک ءَ را گیش دیمروئی دیگ ءِ ارزشت ءِ سر ءَ زور پر دات۔