وفاقی وزیر سردار اویس لغاری ءَ نیٹ میٹرنگ ءِ درخواست آنی ھوالگ ءَ ھاسیں پیسلہ کتگ، کوھنیں رھبندانی رد ءَ 8 فروری ءَ تاں جمع کتگیں نیٹ میٹرنگ ءِ درخواست آناں کارروائی کنگ ءِ پرمان

اسلام آباد۔19فروری  (اے پی پی): وفاقی وزیر بجلی ءِ ڈویژن سردار اویس لغاری ءَ نیٹ میٹرنگ ءِ درخواست آنی ھوالگ ءَ ھاسیں پیسلہ کتگ ءُ کوھنیں ضوابط ءِ رد ءَ 8فروری ءَ تاں جمع کتگیں نیٹ میٹرنگ ءِ درخواست آناں کارروائی کنگ ءِ پرمان داتگ۔ پاور ڈویژن ءِ جارکش ءِ رد ءَ کے الیکٹرک ءَ ھوار توامیں بجلی ءِ بہر ءُ بانگ ءِ کمپنی ترندیں رنگ ءَ عمل درآمد ءِ واستہ توامیں بجلی ءِ بہر ءُ بانگ ءِ کمپنی آناں نیٹ میٹرنگ ءِ آسراتی پجاری ءِ وس ءَ کن اَنت۔ اے وھد ءَ کے الیکٹرک ءَ ھوار سرجمیں ڈسٹری بیوشن کمپنی آنی تہ ءَ 8فروری ءَ تاں کل 5165 درخواست جم کنگ بوتگ، اے درخواست آنی چیر دستی ءَ راجی گرڈ ءَ کل 250.822میگاواٹ ءِ گنجائش گیش کنگ بیت۔ آئی ءَ گوشت کہ وفاقی وزیر توانائی ءِ اے پیسلہ ءَ استیں درخواست آنی ھوالگ ءَ ابہام آناں ھلاس کتگ۔ ترجمان ءِ رد ءَ وفاقی وزیر ءَ درخواست ءِ عمل ءِ تہ ءَ شفافیت ءِ برجائی ءِ پرمان داتگ ءُ بجلی ءِ کارمرز کنوکاں چہ لوٹ کتگ کہ آ ھرچ شکایت ءِ 118 ءَ درج بہ کن اَنت۔