سینیٹر شیری رحمن ءَ کراچی ءِ دمگ سولجر بازار ءَ گیس ءِ لیک ءِ تراک ءَ جانی تاوان ءِ سرا غم ءِ درشانی

اسلام آباد۔19فروری  (اے پی پی): پاکستان پیپلز پارٹی ءِ نائب صدر سینیٹر  شیردی رحمان ءَ کراچی ءِ سولجر بازار ءِ دمگ ءَ گیس لیک ءِ تراک ءَ چہ جانی تاوان ءِ سر ءَ دلپدردی ءُ رنج ءِ درشانی کتگ۔ پنچ شمبے ءِ روچ ءَ وتی  دلپدردی  ءِ  کلوہ  ءَ آئی ءَ بیران بوتگیں مردمانی مغفرت، غم ءِ آماچیں ھاندان آنی واستہ سگ  ءُ اوپار ءُ ٹپی  آنی زوت جان سلامتی ءِ دعا کتگ۔ آئی ءَ گوشت کہ اے غمناکیں وئیل ءَ بازیں جان ءِ بیرانی بوتگ، ھمک تک ءَ چہ شفافیں پٹ ءُ پول کنگ بہ بیت تانکہ ایشی ءِ زمہ وار آنی پجار کنگ بہ بیت۔ واجہ شیردی رحمان ءَ گوشت کہ سندھ حکومت ملبہ ءِ چیر ءَ کپتگیں مردم آنی رکینگ ءِ واستہ سرجمی ءَ متحرک انت ءُ کمکی کار جاری انت۔ آئی ءَ دل یکیمی دات کہ سندھ حکومت آماچیں ھاندان آناں ھمک رنگ ءِ کمک ءِ واستہ ھمک رنگ ءِ گامگیج چست کنت۔ آئی ءَ گوشت کہ گیس ءِ لیک ءِ وئیل سک بدبھت انت ءُ الس ءَ را رکھینگی گامگیج آنی سر ءَ عمل کنگ ءِ سر ءَ زور پر دات تانکہ آیوکیں وھد ءَ اے وڑیں وئیل آناں گر ءُ دار کنگ بہ بیت۔