مزن وزیر ءِ صنعت ءُ تجارت ءِ ھاسیں کمکار ہارون اختر خان ءَ ملت ٹریکٹرز ءِ سی ای او سکندر مصطفیٰ ءَ گوں گند ءُ نند کت، پاکستان ءِ آٹو ءُ ٹریکٹر شوبگ ءِ آیوکیں کارروائی ءِ بابت ءَ گپ ءُ تران

اسلام آباد۔18فروری  (اے پی پی): مزن وزیر ءِ صنعت ءُ کامرس ءِ ھاسیں کمکار ہارون اختر خان ءَ ملت ٹریکٹرز ءِ سی ای او سکندر مصطفیٰ ءِ گوما ھاسیں گند ءُ نند کت ایشی ءِ تہ ءَ پاکستان ءِ آٹو ءُ ٹریکٹر شوبگ ءِ آیوکیں کارروائی ءِ بابت ءَ گپ ءُ تران کت۔ دیوان ءِ تہ ءَ وفاقی سیکرٹری انڈسٹریز اینڈ کامرس کیپٹن (ریٹائرڈ) صفک انجم ءَ ھم بھر زوری کتگ۔ گند ءُ نند ءِ ساھت ءَ مجوزہ آٹو پالیسی، ٹریکٹر پالیسی ءُ انجینئرنگ ءِ شوبگ ءَ لوکل مینوفیکچرنگ ءُ انڈیجائزیشن ءِ دیمروئی ءِ سر ءَ سرجمیں گپ ءُ تران کنگ بوت۔ ہارون اختر خان ءَ گوشت کہ مزن وزیر شہباز شریف ءِ ہدایت آنی رد ءَ زوت آٹو ءُ ٹریکٹر ءِ یک ٹوھیں ءُ آیوکیں وھد ءِ رد ءَ پالیشی ءِ بندات کنگ بیت۔ آئی ءَ اے گپ ءِ سر ءَ زور پر دات کہ پالیشی ءَ آٹو سیکٹر ءِ دیم ءَ اوشتاتگیں درستیں چیلنج ءُ جیڈھ آناں ھیال داری کتگ تانکہ یک متوازن ءُ دیمروئی ءِ رد ءَ فریم ورک جوڑ کنگ بہ بیت۔ حکومت ءِ وژن ءِ سر ءَ چمشانک دیان ءَ ہارون اختر خان ءَ گوشت کہ پاکستان ءِ آٹو سیکٹر ءِ تہ ءَ بے دروریں گنجائش است انت ءُ اے دمگی مینوفیکچرنگ ءُ انڈیجائزیشن ءِ دیمروئی ءِ وسیلگ ءَ مزنیں دیمروئی ءِ ھاترا دیم ءَ اتک کنت۔ آئی ءَ گیش گوشت کہ نوکیں آٹو پالیسی ءِ مستریں مول ءُ مراد صنعت آناں بااختیار جوڑ کنگ، بنجاہی پیداوار ءَ را مھکم کنگ ءُ برآمدات ءِ سروکی ءَ دیمروئی ءَ را دیم ءَ برگ اِنت۔ سی ای او ملت ٹریکٹرز سکندر مصطفیٰ ءَ ھال دات کہ کمپنی ءَ ٹریکٹر جوڑ کنگ ءِ تہ ءَ 90درسد لوکلائزیشن ءِ ٹارگٹ ءَ را سوبمندیں رنگ ءَ سرجم کتگ۔ آئی ءَ گیش گوشت کہ ملٹ ٹریکٹرز ءَ ھم برآمداتی گنجائش زرتگ ءُ اے وھد ءَ ٹریکٹر آناں میاں اوستمانی مارکیٹ آنی تہ ءَ برآمد کنگ ءَ اِنت کہ اے پاکستان ءِ انجینئرنگ انڈسٹری ءِ مھکم ءُ مقابلہ ءِ درشان اِنت۔ ھاسیں کمکار ءَ انجینئرنگ ڈویلپمنٹ بورڈ ءَ را ہدایت کت کہ آ آٹو ءُ ٹریکٹر ءِ شوبگ ءِ درستیں سٹیک ہولڈر آنی گوما جامع مشاورت بہ کنت تانکہ یک جامع، عملی ءُ پائیدار صنعتی دیمروئی پالیشی ءِ فریم ورک جوڑ کنگ بہ بیت۔