اھوالکار آنی نیمگ ءَ چہ داتگیں وھد ءِ سر ءَ ءُ راستیں ھال ءُ اھوال عدالتی ءُ کانودی عمل آنی تہ ءَ المی کرد پیلو کنت، وفاقی کانود ءِ وزیر اعظم نذیر تارڑ سپریم کورٹ ءِ پریس ایسوسی ایشن ءِ نوکیں گچین بوتگیں اگدہ دار آنی سوگند چست کنگ ءِ مراگش ءَ گوں تران

اسلام آباد۔18فروری  (اے پی پی): کانود ءُ انصاف ءِ وفاقی وزیر اعظم نذیر تارڑ ءَ گوشت کہ اھوالکار آنی نیمگ ءَ چہ وھد ءُ پاس ءِ سر ءَ داتگیں راستیں ھال ءُ اھوال عدالتی ءُ کانود ءِ کارروائی آنی تہ ءَ المی کرد ءِ پیلو کنت۔ عدالت ءِ فیصلہ ءُ راجی حقانی رکھینگ ءِ بابت ءَ زوتیں زانتکاری ءِ تبادلہ ءَ چہ قانون ءِ نفاذ ءِ ادارہ ءُ راج ءَ را نپ چست کنگ ءِ موہ رس ایت۔ اے عمل انصاف ءُ صحافت ءِ نیام ءَ اعتماد ءَ را گیش ءُ گیوار کنت۔ اے ھیالانی درشانی وفاقی وزیر ءَ چار شمبے ءِ روچ ءَ سپریم کورٹ ءِ پریس ایسوسی ایشن ءِ نوک گچین بوتگیں اگدہ دار آنی سوگند چست کنگ ءِ مراگش ءَ گشتانک دیان ءَ کت۔ اے موہ ءِ سر ءَ سپریم کورٹ بار ایسوسی ایشن ءِ صدر ہارون الرشد ءُ پاکستان بار ایسوسی ایشن ءِ احسن بھون ھم ساڑی ات۔ وفاقی وزیر ءَ اھوالکار آنی سر ءَ زور پر دات آئی ءَ گوشت کہ ھال آنی راستی ءُ ترندیں آسر آنی سر ءَ چہ رکگ بہ بیت پرچا کہ بے تصدیق بوتگیں ھال آناں چہ کانود ءُ چاگردی تاوان رس ایت۔ آئی ءَ گوشت کہ عدالتی ءُ قانود ءِ جیڈھ آنی تہ ءَ دیمروئی آنی سر ءَ راست ءُ وھد ءِ سر ءَ رپورٹ کنگ الس ءُ قانود ءِ چاگرد ءِ واستہ سک باز سیت مند انت۔ آئی ءَ اھوالکار آنی ھزمت آناں ساڑات ءُ گوشت کہ پریس ایسوسی ایشن ءِ وسیلگ ءَ آمید گس ءِ پیسلہ، ایف آئی آر، جائیداد ءِ بھر ءُ بانگ ءُ ایندگر کانودی جیڈھ آنی ھوالگ ءَ وھد ءِ سر ءَ سرپدی ءِ پجاری سک باز ارزشتی اِنت۔ وفاقی وزیر ءَ گوشت کہ حکومت ءُ عدلیہ دوئیں آنی ذمہ واری انت کہ آ اے گپ ءَ را دل یکیمی بہ کن انت کہ عدالت ءِ کارروائی ءُ پیسلہ آنی بابت ءَ راستیں ھال الس ءِ گور ءَ سر بہ بنت۔ اے موہ ءِ سر ءَ آمید گس ءِ پریس ایسوسی ایشن ءِ نوک گچین بوتگیں صدر عمران وسیم ءَ وتی وش اتکی کلوہ ءِ تہ ءَ وفاقی وزیر کانود ءُ انصاف ءِ شگر ءُ منت واری ءِ درشان کت ءُ وتی اھوالکاری ذمہ واری جوانیں رنگ ءَ پیلو کنگ ءِ واستہ وتی جزم ءِ ھم جار جت۔ ایشی ءَ پد وفاقی وزیر کانود ءُ انصاف ءَ انجمن ءِ نوک گچین بوتگیں اگدہ دار آناں سوگند چست کت ءُ آہانی گوما کمک ءُ رابطہ ءِ وتی عزم ءِ پدا زور دات۔