صدر آصف علی زرداری ءَ کوئٹہ ءُ برخانے ءَ ناشرکارانی حلاف ءَ جوانیں آپریشن ءِ ھاتر ءَ سی ٹی ڈی بلوچستان ءَ را  توسیپ ءُ ستا

اسلام آباد۔18فروری  (اے پی پی): صدر آصف علی زرداری ءَ کوئٹہ ءُ برخانے ءَ ناشرکارانی حلاف ءَ جوانیں آپریشن ءِ ھاتر ءَ سی ٹی ڈی بلوچستان ءَ را خراج تحسین پیش کتگ ءُ گوشت کہ برخانے ءِ سرپرستی ءَ چہ ملک ءَ چہ ناشرکاری ءِ ھلاسی اولی ترجی انت۔ چار شمبے ءِ روچ ءَ صدارتی ایوان ءِ پریس ونگ ءِ رد ءَ صدر ءِ مملکت ءَ فتنہ الخریج ءِ 14 ناشرکار کشوکیں کارندہ آنی کارکردگی ءِ ساڑات کتگ۔ آئی ءَ گوشت کہ سی ٹی ڈی بلوچستان گران بھائیں وطن ءَ را ناشرکاری ءِ ھلاپ ءَ رکھینگ ءَ مزنیں کردے پیلو کنگ ءَ انت۔ صدر ءَ تیرگواری ءِ بدلی ءَ ٹپی بوتگیں سی ٹی ڈی ءِ کارندہ آنی زوت جان سلامتی ءِ واستہ ھم دعا کتگ۔