صدر مملکت آصف علی زرداری نا کوئٹہ و بارکھان اٹی دہشت گرد آتا برخلاف سرسہب کارروائی تیا سی ٹی ڈی بلوچستان ءِ خراج تحسین

اسلام آباد۔ 18 فروری (اے پی پی) صدر مملکت آصف علی زرداری کوئٹہ و بارکھان اٹی دہشت گرد آتا برخلاف سرسہب کارروائی تیا سی ٹی ڈی بلوچستان  ءِ خراج تحسین پیش کرساپارینے کہ ملک آن پیشن نا سرپرستی ٹی مروک آ دہشت گردی نا چٹفنگ اولیت ءِ۔ چارشنبے نادے آایوان صدر نا پریس ونگ انا رداٹ صدر مملکت فتنۃ الخوارج نا 14 دہشت گرد آتے خلوک آ کارندہ غاتا کارکڑد نا ستاءِ کرے۔ اوپارے کہ سی ٹی ڈی بلوچستان دہشت گردی نا برخلاف وطن عزیز نا رکھ اٹی نمان کڑد ادا کننگ اٹی ءِ۔ صدر مملکت اسہ ایلو آ سم کاری ٹی ٹھپی مروک آ سی ٹی ڈی کارندہ غاتا زوت دراخ جوڑی کن ہم دعاکرے۔