اسلام آباد۔ 18 فروری (اے پی پی) بنجائی وزیر کانود و انصاف سینیٹر اعظم نذیر تارڑ تون پرتگال نا ہائی کمشنر مینوئل فریڈریکو پنہیروڈاسلوا نا اوڑدہی ٹی انصاف نا بشخ اٹی تین پہ تینی کمکاری، عدالتی تربیت، ادارہ جاتی اصلاحات و کاریم نا کچ اٹی ودکی نا بابت امور آ گپ وتران کننگا۔ ترجمان نا رداٹ اوڑدہی ٹی ہائی کمشنر پارے کہ پاکستان اٹ گدریفوک آ ہردے اوڑکن یات …
بنجائی وزیر کانود و انصاف تون پرتگالی ہائی کمشنر نا اوڑدہی، کانودی و عدالتی بشخ آتیٹی کمکاری ءِ پین سوگو کننگ نا عزم انا درشان
گیشتریں ھال
اسلام آباد۔ 18 فروری (اے پی پی) بنجائی وزیر کانود و انصاف سینیٹر اعظم نذیر تارڑ تون پرتگال نا ہائی کمشنر مینوئل فریڈریکو پنہیروڈاسلوا نا اوڑدہی ٹی انصاف نا بشخ اٹی تین پہ تینی کمکاری، عدالتی تربیت، ادارہ جاتی اصلاحات و کاریم نا کچ اٹی ودکی نا بابت امور آ گپ وتران کننگا۔ ترجمان نا رداٹ اوڑدہی ٹی ہائی کمشنر پارے کہ پاکستان اٹ گدریفوک آ ہردے اوڑکن یات گار و خوشگوار آزموندہ اس ئس۔ اوگلگت بلتستان و قطبی علاقہ غاتا دلکش و جنت نظیر زیبائی نا ستاءِ کرسا اوفتے ڈغار آ جنت اس گوندا۔ اوپاکستان نا متحرک دودوربیدہ و الس نا گرم جوشی و مہمانداری ءِ ہم یکتا و ستاکڑزنگ نا قابل گوندا۔ بنجائی وزیر کانود ہائی کمشنر نا تعیناتی مد اٹی اونا سفارتی خذمت و ہڑتوم آ کنڈآتا کمکاری نا ستاءِ کرے و پاکستان و پرتگال نا تعلقداری تامون آ دننگ اٹ اونا مثبت کڑد ءِ خراج تحسین پیش کرے۔ اوڑدہی ٹی انصاف نا بشخ اٹی تین پہ تینی کمکاری، عدالتی تربیت، ادارہ جاتی اصلاحات و کاریم نا کچ اٹی ودکی نا بابت امور آہم گپ وتران کننگا۔ ہڑتوم آ فریق آک کانودی و عدالتی بشخ آتیٹی کمکاری ءِ پین سوگو کننگ نا عزم انا درشانی ءِ کریر ۔
