پارلیمانی کارانی وفاقی وزیر ڈاکٹر طارق فضل چوہدری ءَ چینی نوکیں سال ءِ بندات ءِ روچ ءَ چینی راج ءُ حکومت ءَ را مبارک بات

اسلام آباد۔18فروری  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ چین ءِ الس ءُ حکومت ءَ را چینی نوکیں سال ءِ بندات ءِ مبارک بات داتگ ءُ دل ءِ جہلانکی ءَ چہ دلپدردی ءِ درشانی کتگ۔ چار شمبے ءِ روچ ءَ سوشل نیٹ ورک ویب سائٹ ایکس ءِ سر ءَ وتی مبارکی کلوہ ءِ تہ ءَ آئی ءَ گوشت کہ چینی نوکیں سال ءِ نیکیں موہ ءِ سر ءَ من چینی الس ءُ حکومت ءَ را دل ءِ جہلانکی ءَ چہ مبارک بات دیگ ءَ آں ۔ من دعا کناں کہ اے نوکیں سال چین ءِ مزنیں راج ءَ را مدام وشھالی، امن، دیمروئی ءُ سوبمندی ءِ ھاترا دیم ءَ بیاریت۔ آئی ءَ گوشت کہ پاکستان ئُُ چین ءِ نیام ءَ وت مہ وتی بھروسہ، احترام ئُُ اسٹریٹجک کمک ءِ بنیات ءِ بنیادی دوستی ھمک سال گوزوکیں سال ءَ گیش مھکم بوھگ ءَ اِنت۔ ڈاکٹر طارق فضل چوہدری ءَ گوشت کہ ما صدر شی جن پنگ ءِ دور اندیشیں سروکی ءَ را ساڑات کن ایں ءُ چین ءِ جوانیں کامیابی ءُ جھان ءِ تک ءَ آئی ءِ جوڑیشت ءِ کرد ءَ را من آں ۔ ما امیت کنیں کہ آیوکیں سال ءَ دو نیمگی سیادی گیش مھکم بنت، اقتصادی کمک گیش بنت ءُ دوئیں ملکانی نیام ءَ اسٹریٹجک سیادی گیش ءُ گیوار بنت۔