بنگلہ دیش ءِ اپوزیشن ءِ سروک آنی گوما جوانیں گند ءُ نند بوتگ، احسن اقبال

ڈھاکہ۔18فروری  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ آئی ءَ بنگلہ دیش ءَ اپوزیشن ءِ سروک ءِ گوما سک باز وشیں ءُ بامردیں گند ءُ نند کتگ ایشی ءِ تہ ءَ یکے دومی ءِ احترام، دمگی اقتصادی کمک ءُ یکوئی ءِ دیمروئی ءِ ھوالگ ءَ ھیال ءُ لیکہ آنی تہ ءَ سرجمیں رنگ ءَ تبادلہ کتگ۔ گند ءُ نند ءِ ساھت ءَ وفاقی وزیر ءَ دوئیں ملک آنی نیام ءَ مردمی سیادی ءُ اقتصادی کمک ءَ را گیش مھکم کنگ ءِ جزم ءِ یک رندے پدا گوشت ءُ اے موہ ءِ سر ءَ مزن وزیر شہباز شریف ءِ نیکیں واھگ آنی گوما اپوزیشن سروک ءَ را پاکستان ءِ تر ءُ تاب ءِ ھم دعوت دات۔ احسن اقبال ءَ گوشت کہ اے گند ءُ نند ءَ من ءَ وتی نودربریں وھد یات اتک کہ آ یو ای ٹی لاہور ءَ جماعت اسلامی ءِ نودربراں گوں ھمگرنچ بوتگ ءُ نودربر سیاست ءِ تہ ءَ سرگرمیں کرد پیلو کنگ ءَ اتنت۔ آئی ءَ گوشت کہ آ دور وانگ ءُ زانگ ءِ احساس، گپ ءُ تران ءُ سرکاری ھزمت ءِ جوڑ کنگ ءِ یک ھاسیں پڑ ات۔ آئی ءَ بنگلہ دیش ءِ الس ءِ مہر ءُ گرمائی ءِ ساڑات ءُ امیت سہرا کت کہ آیوکیں وھد ءَ دوئیں ملک آنی نیام ءَ مردم آنی نیام ءَ مردم آنی رابطہ ءُ وت مہ وتی کمک گیش مھکم بنت ایشی ءَ چہ دمگ ءَ استحکام ءُ وشھالی ءِ سبب جوڑ بیت۔