روچہ مبارک نا بننگ، نوابزادہ حاجی میر لشکری رئیسانی نا مچ آ قوم و امتِ مسلمہ ءِ مبارکباد پیش

کوئٹہ۔ 18 فروری (اے پی پی) پنی آ قبائلی  راہشون ومسکوہی سینیٹر نوابزادہ حاجی میر لشکری رئیسانی روچہ مبارک نا بننگ نا وخت آ مچ آ قوم و امتِ مسلمہ ءِ مبارکبادی پیش کرینے۔ تینا کلہو اٹی اوپارے کہ روچہ مبارک رحمت، برکت و بخشش نا تُو ءِ ہراننے صبر، ایثار، ایلمی و تقویٰ نا رغامک۔ اوپارے کہ دا بابرکت تُو اٹی ننے عبادت ، خیرات و حقدار بندغ آتا کمک کننگ آ خاص بایدے چکار کننگے تانکہ راج اٹی مہرومریبت ، اخوت و ہمدردی ءِ مون آ دننگ مرے۔ نوابزادہ حاجی میر لشکری رئیسانی پارے کہ روچہ مبارک ننے تینا اعمال آتا محاسبہ ءِ کننگ و اللہ تعالیٰ نا حضور توبہ و استغفار نا گچین ءُ موقع اس فراوان کیک۔ اودعاکرے کہ اللہ تعالیٰ دامقدس تُو انا طفیل پاکستان تون اوار مچ آ امتِ مسلمہ غا تینا خاص رحمت آتے نازل کے و غٹ ءِ امن، شونہالی و سوگوی عطاکے۔