بنگلہ دیش اٹی قائدِ حزبِ اختلاف تون بھاز جوان و بامعنی اوڑدہی مس، احسن اقبال

ڈھاکہ۔ 18 فروری (اے پی پی) بنجائی وزیر ڈٹ بندی، شونداری  و اصلاحات و خصوصی گام گیج پروفیسر احسن اقبال پارینے کہ بنگلہ دیش اٹی قائدِ حزبِ اختلاف تون بھاز جوان و بامعنی اوڑدہی مس ہراٹی تین پہ تینی شرف، علاقائی ہم گرنچی و راجی و زرگزرانی کمکاری نا مون آ دننگ آ سرجمی اٹ گپ وتران کننگا۔ ایکس آ بنجائی وزیر ہڑتوم آملک آتا نیام اٹ السی رابطہ و اقتصادی کمکاری ءِ پین سوگو کننگ نا عزم انا درشانی ءِ کرے و داوخت آ وزیراعظم شہباز شریف نا نیک است خواہی تون قائدِ حزبِ اختلاف ءِ دورہ پاکستان نا سلہ ہم خلک۔ احسن اقبال پارے کہ دااوڑدہی اونا طالب علمی نا دے تا یات ءِ تازہ کرے ہراتم او یوای ٹی لاہور اٹی اسلامی جمعیت طلبہ تون وابستہ ئس و طلبہ سیاست اٹی سرگرم کڑد ادا کریکہ۔ اونا پاننگ ئس کہ او دورہیل کننگ، گپ وتران و خذمت عامہ نا شعور نا ٹہیفنگ نا اہم ریسہ ئس۔ اوبنگلہ دیش نا الس نا مہرومریبت و گرم جوشی نا ستاءِ کرسا اومیت ظاہر کرے کہ ہڑتوم آملک آتا نیام اٹ السی رابطہ و کمکاری آخبت اٹ پین سوگومریک، ہرا ڈیہہ اٹی سوگوی و شونہالی نا سوب جوڑمریک۔