تحریک انصاف ءِ سروکی جوڑیشتکار ءَ را داتگیں علاج ءِ آسراتی ءَ چہ مطمئن اِنت، اے جیڈھ ءِ سر ءَ سلیں  سیاست کنگ بوھگ ءَ اِنت، وفاقی وزیر داخلہ ءِ پریس کانفرنس

لاہور۔17فروری  (اے پی پی): وفاقی وزیر داخلہ محسن نقوی ءَ گشتگ کہ تحریک انصاف ءِ جوڑیشتکار ءِ علاج ءِ جیڈھ ءِ سرا سلیں  سیاست کنگ بوہگ ءَ انت، علیمہ خان ءَ جوڑیشتکار ءِ نادراہی ءِ سرا نقد کنگ لوٹ اتگ، تحریک انصاف ءِ سروکی ءَ جوڑیشتکار ءَ را داتگیں علاج ءِ آسراتی ءَ چہ مطمئن انت، آہاں چہ بندش ءِ نیمگ ءَ چہ دلجمی بوتگ۔ مصالحت ءِ ھاتر ءَ بلے کس ءَ را ملک ءَ آشوب پیداک کنگ ءِ اجازت دیگ نہ بیت، پشاور ہائی کورٹ ءِ خیبر پختونخوا ءَ سڑک پچ کنگ ءِ پرمان ءِ سرا ہر قیمت ءَ عمل کنگ بیت، ہندوستان پاکستان ءَ ناشرکاری ءِ تہا ہوار انت۔ اے ھیالانی درشانی آئی ءَ سئے شمبے ءِ روچ ءَ پریس کانفرنس ءَ گوں تران کنان ءَ کت۔ وفاقی وزیر ءَ گوشت کہ جیل ءَ ہر قیدی ءَ را دوا ءُ درمان ءِ آسراتی پجارینگ ریاست ءِ ذمہ واری انت۔ تحریک انصاف ءِ بُن ھشت ایر کنوک ءَ را درمان ءِ واستہ ھمک رنگیں آسراتی دیگ بوھگ ءَ اِنت بلے بدبھتی ءَ تحریک انصاف ءِ بُن ھشت ایر کنوک ءِ وژن ءِ جیڑھ ءِ سر ءَ پروپیگنڈا کنگ بیتگ۔ تحریک انصاف ءِ جوڑیشتکار ءِ گوں سلوک ءِ معاملہ ءِ سرا گندی سیاست کنگ بوہگ ءَ انت۔ اے جیڈھ ءِ سر ءَ سینئر سیاست دان محمود خان اچکزئی ءِ لوٹ ءَ چہ پیسر ھم سرکار تحریک انصاف ءِ سروکی ءُ اپوزیشن ءَ گوں رابطہ ءَ بوتگ۔ اے درگت ءَ دوئیں نیمگ ءَ گوں رابطہ کاری ءَ اسپیکر راجی اسمبلی سردار ایاز صادق وتی کرد ءَ پیلو کنگ ءَ ات۔ ما تحریک انصاف ءِ سروکی ءَ را سرجمی ءَ دل یکیمی دات کہ جوڑیشتکار ءَ را طبی علاج ءِ واستہ ھرچ وڑیں آسراتی پجارینگ بیت۔ محسن نقوی ءَ گشتگ کہ ما علاج ءِ ھاتر ءَ جوانیں ڈاکٹر گچین کتگ انت ءُ سرکاری ءُ پرائیویٹ ڈاکٹراں تحریک انصاف ءِ جوڑیشتکار ءِ چکاس کتگ، ایشی ءِ سرا تحریک انصاف ءِ سروکی ءَ گشتگ کہ ما سرکار ءِ نیمگ ءَ داتگیں علاج ءَ چہ مطمئن آں ۔ محسن نقوی ءَ گشتگ کہ پی ٹی آئی ءِ جوڑیشتکار ءَ چم ءِ علاج ءِ ھاتر ءَ انجکشن کنگی ات کہ ڈاکٹرانی کمک ءَ جیل ءَ انجکشن دیگ بوت کنت بلے ما آئی ءِ علاج ءِ ھاتر ءَ ھرچ وڑیں آسراتی ءِ ھاتر ءَ لوٹ اتگ ات کہ ایشی ءِ ھاتر ءَ آئی ءَ را نادراھجاہ ءَ آرگ بوتگ ات۔ آئی ءَ گوشت کہ ما تحریک انصاف ءِ سروک آناں ھم گوشتگ کہ جوڑیشتکار ءِ چکاس ءِ واستہ یک زانتکارے ءِ نام ءِ سوج ءَ بہ دنت ءُ اے درگت ءَ وتی سینئر سروک ءَ را ھم لوٹ کتگ۔ ما لوٹ اِت کہ تحریک انصاف ءِ بنجاہی سروکی ءِ پیشدارگ ءَ چیک کنگ بہ بیت بلے آ نیاتک۔ مارا گْوشگ بوت کہ جوڑیشتکار ءَ یک ھپتگے ءَ نادراھجاہ ءَ شنگ کنگ بہ بیت۔ علیما خان ءَ جوڑیشتکار ءِ نادراہی وش کنگ لوٹ اِتگ بلے آئی ءَ مدام جوڑیشتکار ءِ علاج ءَ چہ انکار کتگ۔ وفاقی وزیر ءَ گوشت کہ جوڑیشتکار ءِ جان سلامتی ءِ سر ءَ بلیم گیم کنگ بوتگ، لھتیں مردم جوڑیشتکار ءِ جان سلامتی ءَ چہ گیش وتی سیاست ءِ جیڑگ ءَ اَنت، اے معاملہ ءَ را سیاسی کنگ مہ بیت۔ رپورٹ اتکگ انت۔ مردمانی گمراہ کنگ ءِ اے تماشہ ءُ ڈرامہ نوں بند بہ بیت۔ آئی ءَ گوشت کہ گپ ءُ تران جیڈھ آنی گیواری انت، مدام اے باور انت کہ کجام ھم جیڈھ گپ ءُ تران ءِ وسیلگ ءَ گیش ءُ گیوار بوت کنت۔ مزن وزیر محمد شہباز شریف ءَ مدام سیاسی مفاہمت ءُ گپ ءُ تران ءِ سر ءَ باور کتگ، ما انگت گشگ ءَ ایں کہ اگاں پی ٹی آئی ءِ بنجاہی ءِ ھاتر ءَ ھچ وڑیں میڈیکل ٹیسٹ ھست گڑا مارا ھال بہ دئے اِت، ما سرجمیں رنگ ءَ کمک کن ایں ۔ آئی ءَ گوشت کہ حکومت ءِ نیمگ ءَ سرجمیں کمک ءَ ابید ھم سڑک بند کنگ ءَ چہ الس تکلیف ءَ کپگ ءَ انت۔ وفاقی داخلہ ءِ وزیر ءَ گشتگ کہ اسلام آباد ءِ ریڈ زون ءَ احتجاج ءِ نام  ءَ کس ءَ را توڑ ءُ پُر کنگ ءُ آشوب ءِ سبب جوڑ کنگ ءِ اجازت دیگ نہ بیت۔ پشاور ہائی کورٹ ءَ خیبر پختونخوا ءَ سڑک پچ کنگ ءِ فرمان داتگ، آمید گس ءِ پرمان ہر حال ءَ عمل کنگ بیت۔ اگاں کسے ملک ءِ تہا آشوب، احتجاج یا آشوب ءِ واھند انت گڑا آ پہ آسراں سنام ی بہ بیت۔ ایشاں تاں 18 فروری ءَ رپوٹ لوٹ اتگ ءُ اے بابت ءَ چیف سیکرٹری ءُ آئی جی ءَ را ہدایت جاری کنگ بوتگ ۔ یک جُستے ءِ پسو ءَ وفاقی تہی کارانی وزیر محسن نقوی ءَ گوشت کہ خیبر پختونخوا پولیس ناشرکاری ءِ ھلاپ ءَ قرجوڑیشتکار دیگ ءَ انت ۔ خیبرپختونخوا ءِ جاور درستانی دیم ءَ انت ۔ اودا ہر روچ لہتیں واقعہ بوہگ ءَ انت۔ اودا پولیس ناشرکارانی ھلاپ ءَ قرجوڑیشتکار دیگ ءَ انت بلے داں سیاسی سروکی جہاز ءِ سرا نہ انت ناشرکاری ءِ ھلاپ ءَ اے جنگ ءَ سوبمند بوھگ مشکل بیت۔ تحریک انصاف ءِ کارندہ اے بابت ءَ ھم بہ جیڑ اَنت کہ کئے ملک ءِ دژمن اِنت ءُ کئے ملک ءِ نیک خواہ اِنت۔ وفاقی وزیر ءَ یک جست ءِ پسو ءَ گوشت کہ سوشل میڈیا ءَ ملک ءِ نپ آنی ھلاپ ءَ پروپیگنڈا کنوک آنی ھلاپ ءَ کارروائی کنگ بوھگ ءَ انت۔ ملک ءَ انوگیں ناشرکاری ءِ ھوالگ ءَ جُست ءِ پسو ءَ وفاقی وزیر ءَ گوشت کہ پاکستان ءَ ناشرکاری ءِ پُشت ءَ بھارت اِنت، ایشی ءِ مھکمیں ثبوت است اَنت۔ ھندوستان بلوچستان ءَ ناشرکاری ءِ واستا ڈالر دئیگ انت ۔ آئی ءَ گوشت کہ زوت ملک ءَ چہ ناشرکار ھلاس کنگ بنت۔