وفاقی وزیر داخلہ محسن نقوی ءَ سری لنکا ءِ صدر انورا کمارا ڈسانائیکے  ءَ گوں گند ءُ نند کتگ ءُ پاکستانی آں ویزہ ءِ جیڈھ آنی بابت ءَ سرپد کتگ

کولمبو۔17فروری  (اے پی پی): وفاقی تہی کارانی وزیر ءُ پاکستان کرکٹ بورڈ ءِ چیئرمین محسن نقوی ءَ سری لنکا ءِ صدر انورا کمارا ڈسانائیکے  ءَ گوں گند ءُ نند کتگ، ایشی ءِ ساھت ءَ آئی ءَ پاکستانی آناں ویزہ ءِ جیڈھ آنی بابت ءَ سرپد کتگ۔ اے موہ ءِ سر ءَ اوورسیز پاکستانی آنی واستہ وفاقی وزیر چوہدری سالق حسین ءُ پاکستانی ہائی کمشنر میجر جنرل (ریٹائرڈ) فہیم العزیز ھم سنام ی ات۔ سری لنکا ءِ صدر انورا کمارا دسنایکے ءَ وزیر داخلہ ءِ لوٹ ءِ سر ءَ دلگوش دات ءُ زوت پاکستانی آناں چہ درستیں لسٹ آنی تہ ءَ در کنگ ءِ پرمان دات۔ آئی ءَ گوشت کہ سری لنکا ءِ مزن وزیر سک زوت پاکستان ءَ دیم دیگ بوھگ ءَ انت۔ گند ءُ نند ءِ ساھت ءَ دوئیں بامرد آنی نیام ءَ انسداد ناشرکاری، انسداد منشیات ءُ فورسز ءِ یکجائی تربیت ءِ بنگپ آنی سر ءَ ھم ھیال ریچی کنگ بوت۔ محسن نقوی ءَ پاک ءُ سری لنکا ءِ سیادی ءَ را دیمروئی دیگ ءَ سری لنکا ءِ صدر ءِ کرد ءِ توسیپ کت۔ آئی ءَ مزن وزیر محمد شہباز شریف ءِ نیمگ ءَ سری لنکا ءِ صدر انورا کمارا دسنایکے ءَ را پاکستان ءِ تر ءُ تاب ءِ دعوت نامہ سر کت۔ محسن نقوی ءَ سری لنکا ءِ صدر ءِ منت گپت کہ آئی ءَ ٹی ٹوئنٹی ورلڈ کپ ءِ جوانیں بندوبست کتگ ءُ پاکستانی ڈل ءِ میزجوڑیشتکار کتگ۔ سری لنکا ءِ صدر ءَ پاکستان ءِ گوما سیادی ءَ را گیش مھکم کنگ ءِ جزم ءِ پدا زور دات۔ آئی ءَ کولمبو ءَ بھارت ءِ گوما ٹی ٹوئنٹی ورلڈ کپ ءِ میچ ءِ گوازینگ ءِ سر ءَ مزن وزیر محمد شہباز شریف ءِ ھاسیں منت واری ءِ درشان کت ءُ پاکستان ءِ نیک راھی ءِ اشارہ ءِ سنام ات کت۔