مزن وزیر شہباز شریف ءَ آئی اے ای اے ءِ ڈائریکٹر جنرل رافیل ماریانو گروسی ءَ گوں گند ءُ نند

ویانا۔17فروری  (اے پی پی): مزن وزیر محمد شہباز شریف ءَ کینسر ءِ پٹ ءُ پول ءُ درمان، ایٹمی بجلی ءِ پیداوار ءُ صنعتی کارمرد ءِ وڑیں شوبگ آنی تہ ءَ ایٹمی ٹیکنالوجی ءِ ذمہ واری ءَ را دیمروئی دیگ ءِ تہ ءَ میاں اوستمانی ایٹمی توانائی ایجنسی ءِ کرد ءِ واستہ پاکستان ءِ حمایت ءِ یک رندے پدر کت ءُ پاکستان ءُ آئی اے ای اے ءِ نیام ءَ کمک ءِ توسیپ کت۔ مزن وزیر محمد شہباز شریف ءَ گوں ویانا ءِ میان استمانی مرکز ءَ میاں اوستمانی ایٹمی توانائی ءِ ادارگ ءِ ڈائریکٹر جنرل رافیل ماریانو گروسی ءَ گند ءُ نند کتگ۔ مزن وزیر کارگس ءِ میڈیا ونگ ءِ نیمگ ءَ چہ جنام ی بوتگیں بیان ءِ رد ءَ گند ءُ نند ءَ نائب مزن وزیر ءُ درئی کارانی وزیر سینیٹر محمد اسحاق دار، وزیر ءِ ھال ءُ اھوال عطا اللہ ترار، مزن وزیر ءِ ھاسیں کمکار سید طارق فاطمی ءُ درئی کارانی سیکرٹری آمنہ بالو ھم ھوار بوتگ اَنت۔ مزن وزیر ءَ کینسر ءِ ٹپاس ءُ درمان، کشت ءُ کشاری، ایٹمی بجلی ءِ پیداوار ءُ صنعتی ایپلی کیشنز ءِ وڑیں شوبگ آنی تہ ءَ ایٹمی ٹیکنالوجی ءِ ذمہ واری ءَ گوں کارمرد کنگ ءَ را دیمروئی دیگ ءِ واستہ آئی اے ای اے ءِ کرد ءِ واستہ پاکستان ءِ حمایت ءِ یک رندے پدا گوشت۔ آئی ءَ پاکستان ءُ آئی اے ای اے ءِ نیام ءَ مھکمیں شریکداری ءِ سنام ات ءُ گوشت کہ پاکستان آئی اے ای اے ءِ تکنیکی کمک پروگرام ءَ چہ نہ ایوک ءَ سیت چست کنگ ءَ اِنت بلکیں آئی اے ای اے ءِ باسکیں ملک آنی واستہ وتی ماہرین آناں پجارینگ ءُ میاں اوستمانی تربیت ءِ برجم دارگ ءَ آئی اے ای اے ءِ کار آنی تہ ءَ ھم کمک کنگ ءَ اِنت۔ ڈائریکٹر جنرل گروسی ءَ ایٹمی ٹیکنالوجی ءِ پرامن کارمردی ءِ تہ ءَ پاکستان ءِ تجربگ ءُ مہارت ءُ ایشی ءِ انجینئر، سائنسدان ءُ ٹیکنیشن آنی مزنیں کوالٹی ءِ منگ کت۔ آئی ءَ دگہ چیز آنی تہ ءَ ایٹمی سلامتی ءُ ایمنی ءِ شوبگ آنی تہ ءَ آئی اے ای اے ءِ کار آنی تہ ءَ پاکستان ءِ کرد ءَ را سنام ات۔ آئی ءَ گیش گوشت کہ پاکستان ایٹمی ٹیکنالوجی ءِ پرامن کارمردی ءِ تہ آئی اے ای اے ءِ ایندگر باسکیں ملک آناں کمک کنگ ءِ واستہ یک جوانیں ملکے بوتگ۔ آئی ءَ مارچ 2026 ءَ فرانس ءِ میزجوڑیشتکار ءَ بوھوکیں ایٹمی توانائی ءِ سروک دیوان ءَ پاکستان ءِ سرگرمیں بھر زوری ءِ واھشت مند بوتگ۔پدا ایٹمی طب ءُ آنکولوجی ءِ ادارگ لاہور ءَ را آئی اے ای اے ءِ کمکی مرکز ءِ رنگ ءَ نامینگ ءِ واستہ یک معاہدے ءِ سر ءَ دستخط کنگ بوتگ۔ اے منگ نامہ ءِ سر ءَ پاکستان ءُ آئی اے ای اے ءِ نیمگ ءَ نائب مزن وزیر ءُ دری کارانی وزیر سینیٹر محمد اسحاق ڈار ءُ ڈی جی گروسی ءَ دستخط کتگ ۔