نائب مزن وزیر ءُ درئی کارانی وزیر سینیٹر  محمد اسحاق ڈار 18 فروری ءَ نیویارک ءِ تر ءُ تاب ءَ کنت ءُ فلسطین ءِ جاور ھال آنی بابت ءَ اقوام متحدہ ءِ سلامتی کونسل ءِ مزن تک ءِ بریفنگ ءَ بھر زوریت

اسلام آباد۔17فروری  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار 18فروری ءَ نیویارک ءِ تر ءُ تاب ءَ کنت ءُ فلسطین ءِ جاور ھال آنی ھوالگ ءَ اقوام متحدہ ءِ سلامتی کونسل ءِ مزن تک ءِ بریفنگ ءَ بھر زوری کنت۔ سئے شمبے ءِ روچ ءَ دری کارانی کارگس ءِ نیمگ ءَ جاڑی بوتگیں بیان ءِ رد ءَ اے دیوان ءِ سروکی ءَ سلامتی کونسل ءِ صدر ءِ نیمگ ءَ برطانیہ ءِ درئی کارانی وزیر ءِ نیمگ ءَ کنگ بیت۔ بریفنگ ءِ ساھت ءَ نائب مزن وزیر ءُ دری کارانی وزیر ایس محمد اسحاق ڈار فلسطین ءِ ھوالگ ءَ پاکستان ءِ اصولی ءُ یکجاھیں موقف ءِ پدا پدر کنت۔ آئی ءَ مغربی کنارہ ءِ اسرائیل ءِ برجاھیں ناجائزیں ھوار کنگ ءِ ھلاپ ءَ پاکستان ءِ مھکمیں ھلاپ  ءِ پدا پدر کنت۔ نائب مزن وزیر ءُ دری کارانی وزیر غزہ ءَ دائمی جنگ بندی ءِ ضلورت ءِ سر ءَ زور پر دنت، سلامتی کونسل ءِ قرارداد 2803 ءِ سرجمیں عمل درآمد، انسانی کمک ءِ تہ ءَ گیشی ءُ غزہ ءِ بحالی ءُ نوک جوڑیشت ءِ زوتیں بندات ءِ ضلورت ءِ سر ءَ زور پر دنت۔ نائب مزن وزیر ءُ دری کارانی وزیر ءَ پاکستان ءِ میاں اوستمانی ءُ دمگی شریک آنی گوما برجاھیں ھوار بوھگ ءِ سر ءَ ھم زور پر دنت کہ ایشی ءِ تہ ءَ ”ھشت ءِ گل“ عرب ءُ اسلامی ملک ءُ امریکہ ھوار انت تانکہ میاں اوستمانی کانود ءِ رد ءَ انصاف ءُ برجمیں امن ءِ برجائی ءِ کمک ءَ بہ کنت۔ اے امن ءِ مول ءُ مراد فلسطینی راج ءِ وت واجہی ءِ حق ءِ سرجم کنگ ءُ 1967 ءَ پیسر ءِ سیمسراں گوں بیت المقدس ءَ دارالحکومت ءِ بنیاد ءَ یک آجوئیں، حاکم ءُ نزیکیں فلسطینی ریاست ءِ جوڑ کنگ اِنت۔ اے تر ءُ تاب ءِ ساھت ءَ نائب مزن وزیر ءُ درئی کارانی وزیر سینیٹر  محمد اسحاق ڈار ءَ وتی ھمکار آنی گوما دو نیمگی گند ءُ نند ھم کنت تانکہ وت مہ وتی مفاد ءِ جیڈھ آنی سر ءَ ھیال ءُ لیکہ ءِ درشان کنگ بہ بیت۔