پاکستان ءَ جہانی امن، وشھالی ءُ برجمیں دیمروئی ءِ مول ءُ مراد آنی سرجمی ءِ واستہ درستیں شریک آنی گوما کار کنگ ءِ وتی جزم ءِ درشان  ءَ انت، نائب مزن وزیر اسحاق ڈار

ویانا۔17فروری  (اے پی پی): نائب مزن وزیر ءُ دری کارانی وزیر سینیٹر  محمد اسحاق ڈار ءَ گوشت کہ پائیدار دیمروئی ءِ مول ءُ مراد ءِ تہ ءَ گریبی، نابرابری، وسیلگ آنی کمی ءُ آھانی ناانصافیں بھر ءُ بانگ ءِ چیلنج آنی گیواری ءِ واستہ یک سرجمیں چار ءُ تپاسی ءِ پجارینگ بیت۔ پاکستان یک انچیں آیوکیں وھد ءِ واستہ درستیں شریک آنی گوما کار کنگ ءِ وتی عزم ءِ پدا پدر کنت کہ اودا امن، وشھالی ءُ برجمیں دیمروئی یکجاہ بہ بنت۔ آئی ءَ اے ھیالانی درشانی سئے شمبے ءِ روچ ءَ ویانا ءَ ’’پائیدار دیمروئی: جھان ءِ امن ءُ وشھالی ءِ راہ‘‘ ءِ بنگپ ءِ سر ءَ مزن تک ءِ مراگش ءَ گوں تران کنان ءَ کت۔ مراگش ءَ مزن وزیر محمد شہباز شریف، اقوام متحدہ ءِ جتاجتائیں ادارگ آنی سروک ءُ ویانا ءَ سفارتکار آنی بھر زوری بوتگ۔ نائب مزن وزیر ءَ گوشت کہ منی واستہ شرپ ءِ گپ اِنت کہ من ویانا ءَ اقوام متحدہ ءِ کارگس ءَ اے مچی ءَ گوں تران کن آں کہ سرجمیں دگنیا ءَ وتی جوانیں سفارتی روایات ءُ باز نیمگی گپ ءُ تران آنی تہ ءَ سرگرمیں کرد ءِ واستہ زانگ بیت۔ آئی ءَ ویانا ءَ جوڑ بوتگیں میاں اوستمانی گل ھاسیں رنگ ءَ آئی اے ای اے، یونوڈ سی، یونوسا ءِ کمک ءُ مدامی بھر زوری ءِ ھاتر ءَ منت گپت۔ آئی ءَ گوشت کہ اے وھد ءَ کہ دگنیا ترند ءُ ترندیں بدلی آنی دور ءَ گوزگ ءَ انت، تئی کرد گیش ھاسیں ءُ چیلنج بوتگ۔ پاکستان اقوام متحدہ ءِ منشور ءِ مول ءُ مراد ءُ رہبندانی سرا پابند انت۔ اقوام متحدہ وتی بے مٹیں عزم ءِ پدا پدر کنت ءُ اقوام متحدہ ءِ جہانی امن، ایمنی، برجمیں دیمروئی ءُ انسانی حقانی دیمروئی ءِ تہا ناگزیریں کرد ءَ را من ایت۔ آئی ءَ گوشت کہ مارا اے گپ ءِ سر ءَ دلجمی اِنت کہ اقوام متحدہ ءَ را یک مھکمیں، گیش وسیلگ ءُ سرجمیں اصلاحات ءِ تہ ءَ چہ گوزگی اِنت تانکہ یک باز قطبی دگنیا ءِ چیلنج ءُ پیداکیں جھان ءِ چیلنج آناں جوانیں رنگ ءَ گیش ءُ گیوار کنگ بہ بیت۔ مرچی ما یک مشترکہ مول ءُ مراد ءِ سرا گپ ءُ تران کنگ ءِ ھاترا ادا یکجاہ بوتگیں ۔ نائب مزن وزیر ءَ گوشت کہ امن ءُ دیمروئی یکے دومی ءَ چہ جتا نہ اَنت، بید ءَ یکجائی دیمروئی نہ بیت ءُ بید ءِ یکجائی دیمروئی ءَ امن برجائی بوت نہ کنت، اے برجمیں دیمروئی ءِ واستہ 2030 ءِ ایجنڈا ءِ جوڑیشت ءُ منوگری ءِ بنیات اِنت۔ آئی ءَ گوشت کہ پائیدار دیمروئی ءِ مول ءُ مراد ، کہ گریبی ، نابرابری ، وسیلگ آنی کمی ءُ آوانی ناانصافیں بھر ءُ بانگ ءَ را گیش ءُ گیوار کنت ، چیلنج آناں گیش ءُ گیوار کنگ ءِ واستہ یک جامعیں چار ءُ تپاسی ءِ دیم ءَ کاریت ، ویانا ءِ بنیات ءَ اقوام متحدہ ءِ تنظیم آنی مینڈیٹ ءِ تہ ءَ امن ءُ دیمروئی ءِ اے جہانی دیمروئی ءِ اے یکے دومی ءِ سیادی ءَ گوں گہتری ءَ گوں بندوک انت ءُ پاکستان ءِ دیمروئی ءِ جہانی دیمروئی ءِ گوما گہتری ءَ گوں بندوک انت۔ گورننس ءِ سرا کار کنگ ءَ انت۔ نائب مزن وزیر ءَ گوشت کہ ویانا ءَ بنجاہی اقوام متحدہ ءُ ایندگر بین حکومتی ادارگ آنی بے دروریں مینڈیٹ ھم امن ءُ دیمروئی ءِ اے گٹ ءُ بند ءَ گوں بندوک اَنت، ھمے ھاتر ءَ پاکستان اے ھاسیں ادارگ آنی گوما وتی فعال ءُ جوانیں کرد ءَ را سک باز ارزشت دنت۔ آئی ءَ گوشت کہ ما جہانی امن ءُ دیمروئی ءِ واستہ توانائی ٹیکنالوجی ءِ پرامن کارمردی ءَ را دیم ءَ برگ ءِ واستہ انٹرنیشنل ایٹمی توانائی ایجنسی ءِ کرد ءَ را سک باز ارزشت دیان آں ۔ نائب مزن وزیر ءَ گوشت کہ ما اقوام متحدہ ءِ منشیات ءُ جرم ءِ کارگس ءِ گوما وتی شریکداری ءَ را گیش مھکم کنگ ءِ واستہ ھم جزم آں تانکہ کانود ءِ حاکمیت ءَ را دیم ءَ برگ ءُ دیمروئی وسیلگ آناں تاوان دیگ ءِ جرم آنی ھلاپ ءَ جنگ بہ بیت۔ اے دیمروئی ءَ را ترند کنگ ءُ پاک ءُ پائیدار صنعت آنی نیمگ ءَ رھادگ بوھگ ءِ کوشست آنی تہ ءَ مرکزی کرد پیلو کنگ ءَ اِنت۔ آئی ءَ گوشت کہ پائیدار دیمروئی ءِ واستہ خلائی ٹیکنالوجی ءِ گیش بوھوکیں ارزشت ءَ را منگ ءَ پاکستان اقوام متحدہ ءِ آؤٹر اسپیس افیئرز ءِ کارگس ءِ کمک ءَ کنت تانکہ آؤٹر اسپیس ءَ را توامیں ملک آنی واستہ یک پائیدار ءُ منصفانہ پلیٹ فارم جوڑ کنگ بہ بیت۔ آئی ءَ گوشت کہ باز نیمگی نظام، اقوام متحدہ ءُ جھان ءِ امن ءُ ایمنی، برجمیں دیمروئی، چاگردی گامگیج، گریبی ءِ ھلاسی، جان سلامتی، انسانی ھک، کرپشن، جرم، کرپشن ءُ ناشرکاری ءِ ھلاپ ءَ یکجائی کوشست مئے یکجائی عزم ءِ عکس انت۔ نائب مزن وزیر ءَ گوشت کہ پاکستان یک انچیں آیوکیں وھد ءِ واستہ توامیں شریک آنی گوما کار کنگ ءِ وتی جزم ءِ یک رندے پدا پدر کنت کہ اودا امن، وشھالی ءُ برجمیں دیمروئی یکجاہ بہ بنت۔