ڈھاکہ۔ 17 فروری (اے پی پی) بنجائی وزیر ڈٹ بندی، شونداری و خصوصی گام گیج پروفیسر احسن اقبال بنگلہ دیش نا چیف ایڈوائزر پروفیسر محمد یونس تون اوڑدہی کرے۔ بنجائی وزیر بنگلہ دیش نا پوسکن گچین مروک آ وزیراعظم طارق رحمان نا سوغندی دود اٹی بشخ ہلنگ کن ڈھاکہ ٹی ساڑی ءِ۔ اواوڑدہی ٹی احسن اقبال پروفیسر محمد یونس و بنگلہ دیش نا الس ءِ سرسہب گچین کاری تا …
بنجائی وزیر احسن اقبال نا چیف ایڈوائزر پروفیسر محمد یونس تون اوڑدہی ، ہڑتوم آ کنڈآتا تعلقداری ءِ سوگو کننگ آ منت واری ءِ ہرفے
گیشتریں ھال
ڈھاکہ۔ 17 فروری (اے پی پی) بنجائی وزیر ڈٹ بندی، شونداری و خصوصی گام گیج پروفیسر احسن اقبال بنگلہ دیش نا چیف ایڈوائزر پروفیسر محمد یونس تون اوڑدہی کرے۔ بنجائی وزیر بنگلہ دیش نا پوسکن گچین مروک آ وزیراعظم طارق رحمان نا سوغندی دود اٹی بشخ ہلنگ کن ڈھاکہ ٹی ساڑی ءِ۔ اواوڑدہی ٹی احسن اقبال پروفیسر محمد یونس و بنگلہ دیش نا الس ءِ سرسہب گچین کاری تا اڈتننگ آمبارکبادی تس۔ اوہڑتوم آملک آتا نیام اٹ واپار، السی رابطہ و براہ راست فضائی رابطہ غاتا بحالی تون اوار چندی بشخ آتیٹی ہڑتوم آ کنڈآتا تعلقداری تے سوگو کننگ آ چیف ایڈوائزر نا منت واری ءِ ہرفے۔ چیف ایڈوائزر بنجائی وزیر نا منت واری ءِ ہرفسا وزیراعظم پاکستان محمد شہباز شریف تون تینا اوڑدہی تا ذکر ءِ کرے و پارے کہ پاکستان و بنگلہ دیش نا نیام اٹ چندی اسیجائی خاصیت ساڑی ءِ ہرا تین پہ تینی فائدہ غاتیا تالان کمکاری ءِ پین مون آ دننگ کن سوگو بنداو اس فراوان کیک۔ بنجائی وزیر پروفیسر محمد یونس ءِ پاکستان۔ بنگلہ دیش نالج کوریڈور نا رداٹ علامہ محمد اقبال اسکالر شپس انا بارواٹی ہم معلومدار کرے وپارے کہ اسکالرشپ انا اولیکو بیچ انا طالب علم آک پاکستان نا تعلقدار جامعہ غاتیٹی داخلہ ہلکنو۔ پروفیسر محمد یونس داگام انا ستاءِ کرسا اومیت ظاہر کرے کہ بروک آ دے تیٹی تعلیمی، دودوربیدہ ئی و السی کہول آ ہن و بر اٹی پین ودکی مریک۔
