ویانا۔ 17 فروری (اے پی پی) نائب وزیراعظم و وزیرخارجہ سینیٹرمحمد اسحاق ڈار پاکستان و آسٹریا نا نیام اٹ واپار ، زرکاری، ٹیکنالوجی و جدت نا بشخ آتیٹی کمکاری ءِ پین مون آ دننگ نا گرج آ زور شاغانے۔ داخیال آتا درشانیءِ او سے شنبے نادے آویانا ٹی اڈ ہلوک پاکستان۔ آسٹریا بڑزکو کہول انا بزنس راؤنڈ ٹیبل آن بنائی تران اٹی کرے۔ دفترخارجہ نا رداٹ دود آسٹریئن فیڈرل …
نائب وزیراعظم سینیٹر محمد اسحاق ڈار نا اڈ ہلوک پاکستان۔آسٹریا بڑزکو کہول انا بزنس راؤنڈ ٹیبل آن تران
گیشتریں ھال
ویانا۔ 17 فروری (اے پی پی) نائب وزیراعظم و وزیرخارجہ سینیٹرمحمد اسحاق ڈار پاکستان و آسٹریا نا نیام اٹ واپار ، زرکاری، ٹیکنالوجی و جدت نا بشخ آتیٹی کمکاری ءِ پین مون آ دننگ نا گرج آ زور شاغانے۔ داخیال آتا درشانیءِ او سے شنبے نادے آویانا ٹی اڈ ہلوک پاکستان۔ آسٹریا بڑزکو کہول انا بزنس راؤنڈ ٹیبل آن بنائی تران اٹی کرے۔ دفترخارجہ نا رداٹ دود آسٹریئن فیڈرل اکنامک چیمبر اٹی اڈ ہلک و اونا کماشی ءِ وزیراعظم محمد شہباز شریف کرے۔ فورم اٹی ہڑتوم آملک آتا پنی آکاروباری شخصیت آک بشخ ہلکر ہرا پاکستان۔ آسٹریا واپاری و زرکاری تعلقداری ٹی مثبت پیش رفت نا عکاسی ءِ کیک۔ نائب وزیراعظم داوخت آ پاکستان اٹ برجا زرگزرانی اصلاحات و کاروبار اٹی آسانی ءِ گچین کننگ نا حکومتی عزم ءِ تالان کرسا آسٹریا نا تکنیکی مہارت و پاکستان نامتحرک منڈی و ورناافرادی قوت نا نیام اٹ فطری ہم گرنچی نا ہم ذکر ءِ کرے۔ اوآسٹریا تون سوگو شریداری کن پاکستان نا عزم انا درشانی ءِ کرسا داپت انا درشانی ءِ کرے کہ کاروباری رابطہ غاتا مون آ دننگ، ادارہ جاتی کمکاری ٹی وسعت و پدریسہ سیاسی رابطہ غاتا کمک اٹ نئے بیر ہ آسٹریا تون بلکن گیشتر یورپی ڈیہہ اٹی ہم شونداری، تین پہ تینی رابطہ و مریس مدی زرگزرانی شریداری نا پوسکن ءُ وارخواہی ودی مریک۔
