بنجائی وزیر داخلہ محسن نقوی نا باجوڑ اٹی چیک پوسٹ آ فتنۃ الخوارج آتا دہشت گرد جلہو ءِ بے سہب کننگ آ بہادر سیکورٹی فورس آتے خراج تحسین

اسلام آباد۔ 17 فروری (اے پی پی) بنجائی وزیر داخلہ محسن نقوی باجوڑ اٹی چیک پوسٹ آ فتنۃ الخوارج آتا دہشت گرد آتا جلہو ءِ بے سہب کننگ آ بہادر سیکورٹی فورس آتے خراج تحسین پیش کرینے۔ تینا بیان اٹی وزیرداخلہ محسن نقوی جلہوءِ بے سہب کننگ اٹی شہیدی نا جام ءِ کنوک آ سیکورٹی فورس آتا 11 ورناتے خراج عقیدت پیش کرے۔ وزیرداخلہ شہید آتا خاہوت آتون ہمدردی و ہڑزخواہی نا درشانی ءِ کرے۔ محسن نقوی پارے کہ بہادر گلزادہ غاک جان ترسا 12 دہشت گرد آتے جہنمی کریر، فتنۃ الخوارج دہشت گرد آتا ناپاک عزم ءِ بےسہب کروک آ ورناتا جیرت ءِ سلام پیش کینہ، شہید آتا عظیم قربانی ناقابل فراموش ءِ ، اوفتے مدام یات تخنگک۔