چیئرمین سینیٹ سید یوسف رضاگیلانی نا پوسکن آ چینی سال آ چین نا حکومت ، سرکڑدہ و الس ءِ مبارکباد

اسلام آباد۔ 17 فروری (اے پی پی) چیئرمین سینیٹ سید یوسف رضاگیلانی چین نا پوسکن آ سال انا وخت آ چین نا حکومت، سرکڑدہ و السءِ مبارکبادی پیش کرینے۔ تینا تہنیتی کلہو اٹی چیئرمین سینیٹ پارےکہ پوسکن آ چینی سال خوشی، امن، شونداری و شونہالی نا خوشی اس اتیک۔ اواومیت ظاہر کرے کہ دا سال چین نا الس کن سرسہبی، سوگوی و پین پیش رفت نا سوب جوڑمریک۔ سید یوسف رضاگیلانی پاکستان و چین نا نیام اٹ متکن، بے مٹ و آہنی سنگتی ءِ ہڑتوم آملک آتا الس کن گمرنا سوب گوندسا پارے کہ ہڑتوم آملک آتا تعلقداری تین پہ تینی پت، شرف و کمکاری آ تالان ءِ ہراوخت اتون پین سوگو مننگ ءِ۔ چیئرمین سینیٹ داعزم انا درشانی ءِ کرے کہ پاکستان، چین اتون پارلیمانی رابطہ غاتون ہرکہول آ کمکاری نا مون آدننگ کن سنبرینگوک ءِ وہڑتوم آ ملک آتا شریداری ڈیہہ اٹی امن و شونہالی کن اہم کڑد ادا کرساکیک۔ اوپوسکن آچینی سال اناوخت آ چین نا الس کن نیک است خواہی، جان جوڑی، خوشی و شونداری نا دعاکرے۔