پاکستان ءُ چین ءِ نیام ءَ وت مہ وتی احترام، بھروسہ ءُ یکجائی وژن ءِ بنیات ءَ اسٹریٹجک شریکداری ءُ کمک است انت۔ صدر آصف علی زرداری ءَ چین ءِ راج ، حکومت ءُ سروکی ءَ را چین ءِ سال   ءِ بندات ءِ درگت ءَ مبارک بات

اسلام آباد۔17فروری  (اے پی پی): صدر آصف علی زرداری ءَ چین ءِ راج، حکومت ءُ سروکی ءَ را چینی سال ءِ بندات ءِ مبارک بات دیگ ءِ ساھت ءَ گوشت کہ پاکستان ءُ چین ءِ نیام ءَ وت مہ وتی ءِ احترام، بھروسہ ءُ یکجائی وژن ءِ بنیات ءَ اسٹریٹجک شریکداری ءُ کمک است انت۔ مئے دوستی بدل بوؤکیں جھان ءِ جاوراں ھم مھکم بوتگ۔ پاکستان کشمیر ءِ جیڈھ ءِ سر ءَ یک چین ءِ پالیسی ءُ چین ءِ اصولی موقف ءِ حمایت ءَ کنت۔ صدر ءِ مملکت ءَ چہ چیتا 2026 ءِ نوکیں سال ءِ بندات ءِ سر ءَ وتی کلوہ ءِ تہ ءَ گوشت کہ نوکیں سال ءَ را گھوڑو ءِ سال ءَ گوں ھمگرنچ کنگ بیت کہ ایشی ءَ را نیکیں سال لیکگ بیت ءُ روایتی رنگ ءَ توانائی، دیمروئی ءُ استقامت ءِ علامت لیکگ بیت۔ اے نوکیں بندات ءُ دیم ءَ روگ ءِ جذبہ ءَ را جوانیں رنگ ءَ پیش دار ایت کہ اے میلہ ءِ نشان انت ءُ پاکستان ءُ چین ءِ نیام ءَ دیریں دوستی ءِ ہم عکس انت۔ صدر ءِ مملکت ءَ گوشت کہ سال 2026 دوئیں ملک آنی نیام ءَ سفارتی سیادی آنی جوڑیشت ءِ 75می سال ھم اِنت کہ 1951ءَ جوڑ بوتگ۔ھپت دہائی ءَ چہ گیش پاکستان ءُ چین ءَ یکوئی ءِ احترام، بھروسہ ءُ یک شیئر ءِ بنیات ءَ ھر موسم ءِ اسٹریٹجک شریکداری جوڑ کتگ۔ اے آہنی دوستی بدل بوؤکیں جھان ءِ جاور ھال آنی تہ ءَ ھم مھکم بوتگ ءُ پاکستان ءِ دری پالیشی ءِ یک ھاسیں ستونے ۔ آئی ءَ گوشت کہ پاکستان ئُُ چین ءِ نیام ءَ آزمائش ءِ دوستی راجدپتر ءَ گوں بندوک اَنت۔ شھید ذوالفقار علی بھٹو گڈی جھان ءِ سروک بوتگ کہ آئی ءَ چیئرمین ماؤ زے تونگ ءَ گوں گند ءُ نند کتگ ۔ اے ساھت ھما بھروسہ ءُ اسٹریٹجک زانت ءِ علامت بوتگ کہ آئی ءَ مئے سیادی ءَ را تاں روچ ء مرچی رھشونی کتگ۔ آئی ءَ گوشت کہ پاکستان ئُُ چین ءَ وت مہ وتی راجی سیت ءِ جیڈھ آنی سر ءَ مُدام رنگ ءَ یکے دومی ءِ کمک کتگ اَنت۔ پاکستان ءَ یک چین ءِ پالیسی ءِ مدام حمایت کتگ، وھدیکہ چین ءَ ھم جموں ءُ کشمیر ءِ جیڈھ ءَ ھوار اصولی موقف ءِ گوما پاکستان ءِ حمایت کتگ ءُ اقوام متحدہ ءِ منشور ءُ ھمگرنچیں سلامتی کونسل ءِ قرارداد آنی رد ءَ آئی ءِ پرامن گیواری ءِ سر ءَ زور داتگ۔ صدر ءِ مملکت ءَ گوشت کہ 2008ءَ چہ 2013ءَ منی اولی صدارتی مدت ءِ وھد ءَ من ءَ بازیں رند ءَ چین ءِ تر ءُ تاب ءِ موہ رستگ، اے موہ چہ گیش دگنیا ءِ سروکاں گیش بوتگ کہ آ وھد ءَ چین ءِ تر ءُ تاب کتگ۔ اے بار باریں گند ءُ نند ءَ چہ اے گپ پدر بیت کہ پاکستان ءَ مدام چین ءِ گوما سیادی ءَ را اولیت داتگ، ایشی ءَ چہ یکے دومی ءِ سر ءَ بھروسہ ءُ دراجیں مدت ءِ کمک ءَ را گیش مھکم کتگ۔ آئی ءَ گوشت کہ چینی صدر شی جن پنگ ءِ وژنری سروکی ءَ چین امن، دیمروئی ءُ کثیر نیمگی کمک ءِ دیمروئی ءَ مزنیں کردے پیلو کنگ ءَ انت۔ آئی ءِ سروکی ءَ پاک چین ءِ دوستی ءَ را گیش مھکم کتگ ءُ یکجائی دیمروئی ءُ برجائی ءِ واستہ کمک ءَ را دیم ءَ برتگ۔ پاکستان دمگی ءُ جھان ءِ کار آنی تہ ءَ چین ءِ جوانیں ءُ جوڑیشت ءِ کرد ءَ را ارزشت دنت، ایشی ءِ تہ ءَ شنگھائی کمکی گل ءِ بُن ھشت ایر کنوکیں باسک ءِ بستار ءَ ھوار اِنت۔ چین ءِ وژن ءُ برجاھیں کوشست آنی سبب ءَ ایس سی او ءَ را گپ ءُ تران، یکجائی سلامتی ءُ اقتصادی کمک ءِ واستہ یک موثر پلیٹ فارم ءِ رنگ ءَ مھکم کنگ ءَ کمک رستگ، ایشی ءَ چہ دمگ ءَ استحکام ءُ یوریشیا ءَ رابطہ کاری ءَ را دیمروئی داتگ۔ آئی ءَ گوشت کہ پاکستان ءُ چین ءِ نیام ءَ دفاعی ءُ ایمنی ءِ شوبگ ءَ ھم مھکمیں کمک است اِنت، ایشی ءَ پڑ ءَ امن ءُ ایمنی ءِ تہ ءَ مزنیں کردے پیلو کتگ۔ اے شریکداری مئے یکجائی مفادات ءِ رکھینگ ءُ یک ایمن ءُ مھکمیں دمگی چاگرد ءِ دیمروئی ءِ مئے جزم ءِ درشان اِنت۔ چوناھا پاکستان اقتصادی راہداری بیلٹ اینڈ روڈ فریم ورک ءِ چیر دستی ءَ یک مزنیں منصوبگ ءِ اِنت کہ ایشی ءَ چہ دوئیں ملک آنی نیام ءَ بنیاتی ڈھانچہ ءِ دیمروئی، صنعتی دیمروئی ءُ رابطہ کاری ءَ را دیم ءَ برگ بوھگ ءَ اِنت، سی پیک نوں وتی آیوکیں بھر ءَ داخل بوھگ ءَ اِنت ءُ پاکستان وت مہ وتی وشھالی ءِ واستہ وتی سرجمیں توانائی ءَ چہ سیت چست کنگ ءِ واستہ جزم اِنت۔ آئی ءَ گوشت کہ گوستگیں سال ءَ من ءَ دو رند ءَ چین ءِ تر ءُ تاب ءِ شرف رستگ ات ایشی ءَ چہ امن ءُ کمک ءِ واستہ مئے یکجائی جزم ءِ پدا پدر کنگ بوتگ ات۔ اے تر ءُ تاب آں چہ مئے وت مہ وتی اسٹریٹجک بھروسہ ءَ را گیش مھکم کتگ ءُ معیشت، ٹیکنالوجی ءُ دود ءُ ربیدگ ءِ شوبگ ءَ کمک ءِ نوکیں موہ پچ بوتگ اَنت۔ آئی ءَ گوشت کہ آ نزیکیں وھد ءَ پدا چنئی ءِ تر ءُ تاب ءِ واھشت مند اِنت تانکہ اے جوانیں رپک ءِ سر ءَ گیش کار کنگ بہ بیت۔ صدر ءِ مملکت ءَ گوشت کہ انچوش کہ من بازیں موہ آنی سر ءَ گوشتگ ات کہ پاکستان ءُ چین یک بئیب ءُ فولادیں برات انت کہ آ شریں ءُ ھرابیں ساھت ءَ یک دومی ءِ گوما اوشتاتگ انت۔ اے سیادی کہ مخلصی ءُ یکے دومی ءِ کمک ءِ سرا بندوک اِنت، دوئیں راجانی ھاترا زور ءُ توان ءِ وسیلہ اِنت۔ چینی نوکیں سال ءِ اے نیکیں موہ ءَ من چینی راج ءِ جان سلامتی، وشھالی ءُ برجاھیں سوبمندی ءِ ھاترا دعا لوٹاں۔ اسپ ءِ اے سال مئے دوئیں راجاں تجارت، نوآبادیاتی، امن ءُ مردم ءِ نیام ءَ رابطہ ءِ تہا گیشتریں سوبمندی ءِ نیمگ ءَ برگ بہ بیت۔ پاکستان اے شریکداری ءَ را گیش مھکم کنگ ءُ یکجائی وشھالیں آیوکیں وھد ءِ واستہ سرجمی ءَ جزم اِنت۔ آئی ءَ چینی زبان ءَ گْوشت ” گونگ شی فا سائی، شن نان کوالاس ( اسپ ءِ سال مئے دوئیں راجاں وشھالی ءُ سوبمندی یے بہ دنت)۔