وزیر تجارت جام کمال خان ءِ سروکی ءَ کشت ءُ کشاری ءِ مفاد ءِ رکھینگ ءِ وھد ءَ برآمدات ءَ را گیش کنگ ءِ واستہ یک ھمگرنچیں حکمت عملی ءِ جوڑ کنگ ءِ سر ءَ ھیال ءُ لیکہ کنگ ءِ مزن تک ءِ دیوان

اسلام آباد۔17فروری  (اے پی پی): وفاقی وزیر تجارت جام کمال خان ءِ سروکی ءَ ملک ءَ آلو ءِ گیشیں سپلائی ءِ جاور ھال آنی سر ءَ چار ءُ تپاسی کنگ ءُ کشت ءُ کشاری ءِ مفاد آنی رکھینگ ءِ وھد ءَ برآمدات ءَ را گیش کنگ ءِ واستہ یک ھمگرنچیں حکمت عملی ءِ جوڑ کنگ ءِ سر ءَ ھیال ءُ لیکہ کنگ بوت۔ گند ءُ نند ءَ وفاقی ءُ پنجاب حکومت ءِ مزنیں کارندہ، مزن وزیر محمد شہباز شریف ءِ کامرس ءِ کوآرڈینیٹر رانا احسان افضل خان ءُ سیکرٹری کامرس جواد پال ءَ شریک بوتگ۔ شریکیں مردماں آلو ءِ فصل ءِ نوکیں پیش گوئی، دمگی مارکیٹ ءِ جاور، برآمداتی کارکردگی ءُ رسد ءِ چیلنج آنی سر ءَ چار ءُ تپاسی کتگ۔ وزیر تجارت جام کمال ءَ اے گپ ءِ سر ءَ زور پر دات کہ نرخ آنی تہ ءَ کمی ءِ سبب ءَ سرپلس ءِ اثر کشت ءُ کشاری ءِ نیمگ ءَ چہ محسوس کنگ بوھگ ءَ اِنت پمیشکا ھرچ وڑیں کمکی میکانزم ءَ را مصنوعی نرخ آنی تہ ءَ مداخلت ءِ بدل ءَ کشت ءُ کشاری ءِ براہ راست کمک ءِ نیمگ ءَ دیم ءَ برگ بہ بیت۔ گند ءُ نند ءِ تہ ءَ میاں اوستمانی ایشیا ءُ ایندگر نوک دراتکگیں مارکیٹ آنی تہ ءَ برآمداتی مقابلہ ءِ تہ ءَ گہتری ءِ سر ءَ ھم دلگوشی کنگ بوت۔ اے گپ ءِ سر ءَ تپاک کنگ بوت کہ یک ھدف مند ءُ وھد ءِ رد ءَ مال برداری ءِ آسراتی ءِ طریقہ کار ءِ شوھازگ بوت کنت، مادی فزیبلٹی ءُ ھاسیں رنگ ءَ ٹھینگ بوتگیں معیار ءِ رد ءَ، برآمد کنوکاں پیچیدہ رسد ءِ گیش بوھوکیں ھرچ ءُ درچ ءِ انتظام ءَ کمک کنگ بوت کنت۔ وزیر کامرس ءَ ہدایت کت کہ وسطی ایشیا، میاں اوستمانی ءُ ایشیا پیسفک مارکیٹ ءِ وڑیں کلیدی منزل آنی گوما کاروباری ءُ کاروباری ھوار بوھگ ءَ را گیش کنگ بہ بیت تانکہ خریدار آنی رابطہ ءَ را گیش کنگ ءُ برآمداتی منزل آناں تنوع دیگ بہ بیت۔ آئی ءَ وفاقی ءُ پنجاب حکومت ءِ نیام ءَ ہمگرنچ ءُ ڈیٹا ءِ سرا کار کنوکیں فصل ءِ منصوبگ بندی ءِ سرا زور پر دات ءُ سیادی داروکیں محکمہ آناں ہدایت کت کہ آ نوکیں پیداوار، برآمد ءُ رسد ءِ ڈیٹا ءَ را جوڑ بہ کن انت تنکہ یک جامع تجویز ءِ جوڑ کنگ بہ بیت۔ جام کمال خان ءَ حکومت ءِ عزم ءِ سر ءَ زور پر دات کہ آ عملی ءُ متوازن پالیسی گامگیج آنی وسیلگ ءَ کشت ءُ کشاری ءُ برآمد کنوک دوئیں آنی کمک ءَ کنت ءُ ھمے وھد ءَ میاں اوستمانی مارکیٹ آنی تہ ءَ مقابلہ ءِ برجائی ءُ کشت ءُ کشاری شوبگ ءَ استحکام ءِ جوڑ کنگ ءَ انت۔