بانُک اول آصفہ  بھٹو زرداری ءَ چین ءِ نوکیں سال ءِ درگت ءَ چین ءِ مہلوک ءَ را وش آتک

اسلام آباد۔17فروری  (اے پی پی): بانُک اول ءُ راجی اسمبلی ءِ باسک آصفہ بھٹو زرداری ءَ چینی نوکیں سال ءِ موہ ءَ چین ءِ الس ءَ را سلام ءُ دروت درشان کتگ۔ سئے شمبے ءِ روچ ءَ وتی سوشل میڈیا پلیٹ فارم فارم ایکس ءِ سر ءَ وتی پوسٹ ءِ تہ ءَ آئی ءَ گوشت کہ ما چینی نوکیں سال ءِ موہ ءَ وتی چینی برات ءُ گھار آناں سلام پیش کن ایں ۔ آئی ءَ دعا کت کہ اے سال چین ءِ اُلس ءَ را وشھالی، امن ءُ نوکیں موہ بہ دنت ءُ پاکستان ءُ چین ءِ نیام ءَ برجمیں ءُ دائمی دوستی ءَ را گیش مھکم بہ کنت۔